Ko e hā ‘oku totonu ai ke tau feohi mo e fa‘ahinga ‘oku ‘ofa kia Sihová? Koe‘uhi ko ‘etau feohí ‘oku ‘i ai ‘ene tākiekina lelei pe kovi kiate kitautolu. (Pal. 13:20) ‘I he taimi ‘e taha, ko Tu‘i Sōasi na‘á ne fai ‘a e “me‘a na‘e totonu ‘i he vakai ‘a Sihová” ‘i he‘ene feohi mo Sihoiata ko e Taula‘eiki Lahí. (2 Kal. 24:2) Hili ‘a e mate ‘a Sihoiatá, na‘e li‘aki ‘e Sōasi ‘a Sihova koe‘uhi ko e feohi koví.—2 Kal. 24:17-19.

‘I he ‘uluaki senituli T.S., na‘e fakahoa ai ‘e he ‘apositolo ko Paulá ‘a e fakataha‘anga Kalisitiané ki ha “fale lahi” pea ko e ngaahi mēmipa ‘o e fakataha‘angá ki ha “ngaahi ipu,” pe ko ha naunau fale. ‘Oku tau hoko ko ha “me‘angāue ki hano ngāue‘aki lāngilangi‘ia” ‘i he‘etau faka‘ehi‘ehi mei he feohi vāofi mo ha taha, na‘a mo ha mēmipa ‘i hotau fāmilí pe ko e fakataha‘angá, ‘okú ne fai ha me‘a ‘oku ta‘efakahōifua kia Sihova. (2 Tīm. 2:20, 21) Ko ia ai, ‘ofa ke tau hokohoko atu ‘i he kaume‘a mo e fa‘ahinga ‘oku ‘ofa kia Sihová pea ‘oku fakalototo‘a‘i ai kitautolu ke tauhi kiate ia.

SIO ‘I HE VITIŌ AKO KE TALITEKE‘I ‘A E FEOHI KOVÍ, PEA TALI LEVA ‘A E NGAAHI FEHU‘I KO ENÍ:

• Ko e hā ha ngaahi founga ‘e ni‘ihi te tau hoko ai ‘o feohi koví?

• ‘I he vitioó, ko e hā na‘á ne tokoni‘i ‘a e kau Kalisitiane ‘e toko tolú ke ta‘ofi ‘enau feohi koví?

• Ko e hā ha tefito‘i mo‘oni Fakatohitapu te ne tokoni‘i koe ke fili fakapotopoto ho‘o feohí?