‘I he ta‘u taki taha, ‘oku tau fakatu‘amelie atu ki ha kātoanga kai fakalaumālie te tau ma‘u ‘i he‘etau fakataha-lahi fakaevahefonuá. Koe‘uhi ke lava ‘a e ni‘ihi kehé ke nau vakai ki he lelei ‘a Sihová, te tau fakaafe‘i ‘a e tokolahi te tau lavá ke kau mo kitautolu. (Saame 34:8, PM) ‘E fakapapau‘i ‘e he kulupu ‘o e kau mātu‘á ‘a e founga lelei taha ‘e ala lave ke tufaki atu ai ‘a e tohi fakaafe ko ení.

• ‘E fakahoko fakakū ‘emau fakataha-lahí?

• ‘E kamata fakakū ‘a e feingangāue fakalotofonuá?

• Ko e hā ‘a e taimi ki he ngaahi fakataha malanga fakalotofonuá?

• Ko e hā ‘eku ngaahi taumu‘a ki he feingangāué?

• Ko hai ‘oku ou fokotu‘utu‘u ke fakaafe‘í?

Hili ‘a e lea fakafe‘iloaki anga-mahení, te ke pehē nai:

“‘Oku mau kau ki ha feingangāue fakaemāmanilahi ke tufaki ‘a e tohi fakaafe ko ení ki ha kātoanga mahu‘inga ‘aupito. Ko e ‘ahó, taimí mo e feitu‘ú ‘oku hā ia ‘i he tohi fakaafe ko ení. ‘Oku mau fiefia kapau te ke lava mai.”

Neongo ‘oku tau loto ke fakaafe‘i ‘a e tokolahi taha te tau lavá ki he fakataha-lahí, ‘oku totonu ke tau tokanga ke fakatupulekina ha fa‘ahinga mahu‘inga‘ia.

‘I he faka‘osinga ‘o e uiké, ‘e lava ke ke tu‘uaki ‘a e makasiní fakataha mo e tohi fakaafé.