MO‘UI KO HA KALISITIANE
Fakamanatu ki he Fakataha-Lahi
‘I he taimi kotoa pē, ‘oku tau loto ke tataki kitautolu ‘e he ‘ofa ki he ‘Otuá mo hotau kaungā‘apí ‘i he lolotonga ‘etau taimi fakataha-lahí. (Māt. 22:37-39) ‘I he 1 Kolinitō 13:4-8 ‘oku fakamatala ai ki he ngaahi ngāue ‘a e ‘ofá: “Ko e ‘ofá ‘oku kātaki mo anga-lelei. . . . ‘Oku ‘ikai te ne fai ha tō‘onga ta‘efe‘unga ‘oku ‘ikai te ne kumi ki he‘ene lelei pē ‘a‘ana, ‘oku ‘ikai te ne hoko ‘o ‘itangofua. . . . Ko e ‘ofá he‘ikai ‘aupito ke ka‘anga ia.” ‘I ho‘o sio ‘i he vitiō Fakamanatu ki he Fakataha-Lahi, fakakaukau ki he ngaahi founga ‘e lava ke ke fakahaa‘i ai ‘a e ‘ofa ki he ni‘ihi kehé ‘i he fakataha-lahí.
‘E LAVA FĒFĒ KE TAU FAKAHĀHĀ ‘A E ‘OFÁ . . .
-
‘i hono ta‘ofi ha nofo‘anga?
-
‘i he taimi ‘oku teu ke kamata ai ‘a e polokalama tā fasí?
-
‘i he feitu‘u ‘oku tau nofo ai ‘i he kolo fai‘anga fakataha-lahí?
-
‘i he pole ke fai ha tokoni?