‘I Ma‘asi 2016, ‘i he peesi faka‘osi ‘o e Ko e Taua Le‘o pulusinga ma‘á e kakaí ‘oku fakahaa‘i ai “Ko e Hā ‘Oku Lea‘aki ‘e he Tohi Tapú?” Ko e founga fo‘ou ko ení ‘oku fa‘u ia ke tokoni‘i kitautolu ke kamata ha fetalanoa‘aki ‘i ha kaveinga Fakatohitapu. Ko e fokotu‘utu‘ú ‘oku meimei tatau ia mo ‘etau ngaahi tulekí. ‘Oku ‘i ai mo e ngaahi fehu‘i fakatupu fakakaukau mo ha tali mei he Tohi Tapú, pehē foki ‘oku ‘i ai mo e ngaahi poini ‘oku tānaki atu ki he fetalanoa‘akí.

Ko e fetalanoa‘aki fakamānako ‘i he ngaahi kaveinga Fakatohitapú ‘oku fa‘a iku atu ki he ngaahi ako Tohi Tapu. Ngāue‘aki ‘a e founga fo‘ou ko ení ke tokoni‘i ha fa‘ahinga tokolahi ange ke fakafiemālie‘i ‘enau fiekaia fakalaumālié.—Māt. 5:6.

1. ‘Eke ki he tokotaha-‘apí pe ko e hā e anga ‘ene fakakaukau ki he taha ‘o e ngaahi fehu‘í

2. Fanongo ki ai pea fakaongoongolelei‘i ‘ene talí

3. Lau e konga tohi ‘i he kaveinga “Me‘a ‘Oku Lea‘aki ‘e he Tohi Tapú,” pea ‘eke pe ko e hā ‘ene fakakaukau ki he veesi ko iá. Kapau ‘okú ne faingamālie, hokohoko atu ‘a e fetalanoa‘akí, ngāue‘aki ha poini ‘i he kaveinga “Ko e Hā Te Tau Toe Ako mei he Tohi Tapú?”

4. Tu‘uaki ‘a e makasiní

5. Fokotu‘utu‘u ke fai ha toe foki pea lāulea ki he fehu‘i hono uá