KOLOA MEI HE FOLOFOLA ‘A E ‘OTUÁ | SIOPE 16-20

Fakalototo‘a‘i mo Fakaivimālohi‘i e Ni‘ihi Kehé ‘Aki e Ngaahi Lea Lelei

PLAY

Ko e ngaahi lea ha tokotaha faiakonaki ‘oku totonu ke fakaivimālohi ki he ni‘ihi kehé

Na‘e ongo‘i loto-mafasia mo mamahi ‘a Siope, ko ia na‘á ne fiema‘u ha poupou mo ha fakalototo‘a mei he ni‘ihi kehé
Na‘e ‘ikai ke ke lea‘aki ‘e he kaungāme‘a ‘e toko tolu ‘o Siopé ha lea fakafiemālie. ‘I hono kehé, na‘a nau fai ha ngaahi tukuaki‘i pea toe fakalahi atu ‘ene puputu‘ú

19:1 (19:2 PM), 25

Na‘e kalanga ‘a Siope ki he ‘Otuá ki ha fakafiemālie—na‘a mo e maté
Na‘e tokangataha ‘a Siope ki he‘ene ‘amanaki ki he toetu‘ú pea hokohoko atu ‘ene kītaki faitōnungá

‘Elifasi:

Mei Tīmani nai ‘i he fonua ko ‘Ītomí. ‘Oku hā ‘a Tīmani ‘i he Selemaia 49:7 ko e senitā ia ‘o e poto faka-‘Ītomí
Hangehangē ko e tokotaha matu‘otu‘a taha mo tākiekina lahi ‘o e kau “fakafiemalie” ko ‘Elifasi ‘a e tokotaha na‘e ‘uluaki leá. Na‘e tu‘o tolu ‘ene fai ha lea pea toe lōloa ange ia ‘i he ongo tangata ko eé

Ngaahi tukuaki‘i loi:

Manuki‘i ‘a e anga-tonu ‘a Siopé pea taukave‘i na‘e ‘ikai ha falala ‘a e ‘Otuá ki he‘ene kau sevānití (Siope 4, 5)
Pehē ‘oku hīkisia mo fulikivanu ‘a Siope pea taukave‘i ‘oku ‘ikai ha manavahē ‘a Siope ki he ‘Otuá (Siope 15)
Tukuaki‘i ‘oku mānumanu ‘a Siope mo ta‘efaitotonu pea taukave‘i ‘oku ta‘e‘aonga ki he ‘Otuá ‘a e tangatá (Siope 22)

Pilitati:

Ko e hako ‘o Sua‘a. Na‘á ne nofo ‘o ofi nai ki he Vaitafe ‘Iufaletesí
Ko e tokotaha hono ua ia ke leá. Na‘e tu‘o tolu ‘ene ngaahi leá ka na‘e nounou mo fakamamahi ange ia ‘ia ‘Elifasi

Ngaahi tukuaki‘i loi:

Fakahu‘unga na‘e faiangahala ‘a e ngaahi foha ‘o Siopé pea tuha mo e fakatamakí pea pehē na‘e ‘ikai ke tui ‘Otua ‘a Siope (Siope 8)
Fakahu‘unga ko Siopé ko ha tokotaha faihala (Siope 18)
Taukave‘i ko e tauhi anga-tonu ‘a e tangatá ‘oku kulanoa (Siope 25)

Sofa‘ā:

Ko ha tokotaha Na‘ama, ‘i he tokelau hihifo nai ‘o ‘Alepeá.
Ko e tokotaha fika tolu ia ke leá mo lahi taha ‘ene tukuaki‘i loí. Na‘e tu‘o ua pē ‘ene leá

Ngaahi tukuaki‘i loi:

Tukuaki‘i ‘a Siope ki he‘ene ngaahi lea ta‘e‘aongá pea tala ange kiate ia ke li‘aki ‘ene ngaahi tō‘onga koví (Siope 11)
Fakahu‘unga na‘e fulikivanu ‘a Siope mo fiefia he angahalá (Siope 20)

POLOKALAMA NGĀUE KI HE FAKATAHA MO‘UÍ MO E NGĀUE FAKAFAIFEKAÚ

Faka-Tonga

Fakalototo‘a‘i mo Fakaivimālohi‘i e Ni‘ihi Kehé ‘Aki e Ngaahi Lea Lelei

https://cms-imgp.jw-cdn.org/img/p/202016123/univ/art/202016123_univ_sqr_xl.jpg