‘UHINGA ‘OKU MAHU‘INGA AÍ: Ko e Faiako Ma‘ongo‘ongá ‘a Sihova, ‘okú ne ‘omai ‘a e ako lelei tahá. ‘Okú ne ako‘i mai ‘a e founga ke fakalelei‘i ai ‘etau mo‘uí pea teu‘i kitautolu ki ha kaha‘u fakaofo—ko ha ako ‘oku ta‘etotongi. (‘Ai. 11:6-9; 30:20, 21; Fkh. 22:17) Fakafou ‘i he ako faka‘otuá, ‘oku toe teu‘i kitautolu ‘e Sihova ke vahevahe atu ki he ni‘ihi kehé ha pōpoaki fakahaofi mo‘ui.—2 Kol. 3:5.

FOUNGA HONO FAI IÁ:

• Fakatupulekina ‘a e anga-fakatōkilaló mo e anga-vaivaí.—Saame 25:8, 9

• Tali ‘a e ako ‘oku tokonaki mai ‘e Sihova he taimi ní, hangē ko e ngaahi konga ‘oku vahe‘i atu ‘i he fakataha lolotonga ‘o e uiké

• Fokotu‘u ha‘o ngaahi taumu‘a fakalaumālie.—Fil. 3:13

• Fai ha ngaahi feilaulau ke taau ai ki ha toe fakalahi atu ‘a e ako‘í.—Fil. 3:8

SIO ‘I HE VITIŌ KOLOA‘IA FAKALAUMĀLIE ‘I HONO AKO‘I ‘E SIHOVÁ, PEA TALI LEVA ‘A E NGAAHI FEHU‘I KO ENÍ:

• Ko e hā ‘a e ngaahi faingata‘a na‘e iku‘i ‘e ha kau malanga ‘e ni‘ihi kae malava ke nau kau ki he Ako Ma‘á e Kau ‘Evangeliō ‘o e Pule‘angá?

• Ko e hā na‘e ako‘i ‘e he Ako Ma‘á e Kau ‘Evangeliō ‘o e Pule‘angá?

• Ko e hā ‘a e tokoni na‘e fai ‘e he ngaahi mēmipa ‘o e fakataha‘angá ki he fa‘ahinga na‘a nau toki ‘osi mai mei he akó ki he‘enau vāhenga-ngāue fo‘oú?

• Ko e hā ‘a e ngaahi fiema‘u pau kae taau ke kau ki he Ako Ma‘á e Kau ‘Evangeliō ‘o e Pule‘angá? (kr 189)

• Ko e hā ha ngaahi ako kehe ‘e lava ke ke feinga ki ai ‘i he kautaha ‘a Sihová?