Na‘e fangatua ‘a Sēkope mo ha ‘āngelo ki ha me‘a mahu‘inga ‘aupito—ko e tāpuaki ‘a Sihová. (Sēn. 32:24-31; Hōs. 12:3, 4) Kae fēfē kitautolu? ‘Oku tau loto-lelei ke ngāue tōtōivi ke talangofua kia Sihova pea ma‘u ‘ene tāpuakí? Ko e fakatātaá, kapau ‘e ‘i ai ha fili ke tau fai, ke ma‘u ‘a e fakatahá pe ngāue pa‘anga ‘i he laui houa, ko e hā te ke faí? ‘I he‘etau ‘oatu kia Sihova ‘a e lelei taha ‘a hotau taimí, iví mo e koloá, te ne huhua mai kiate kitautolu ‘ha tāpuaki kae ‘oua kuo ‘ikai te tau masiva ‘i ha me‘a.’ (Mal. 3:10) Te ne tataki mo malu‘i kitautolu pea tokanga‘i ‘etau ngaahi fiema‘ú.—Māt. 6:33; Hep. 13:5.

SIO ‘I HE VITIŌ HANGANAKI TOKANGATAHA KI HE TAUMU‘A FAKALAUMĀLIÉ, PEA TALI LEVA ‘A E NGAAHI FEHU‘I KO ENÍ:

• Ko e hā ‘a e pole na‘e fehangahangai mo e tuofefiné?

• ‘I he founga fē ‘e hoko nai ‘etau ngāue pa‘angá ko ha pole kiate kitautolu?

• Ko e hā na‘e fiema‘u ai kia Tīmote ke ne hanganaki fokotu‘u ‘a e ngaahi taumu‘a fakalaumālié neongo ko ha Kalisitiane matu‘otu‘a ia?—1 Tīm. 4:16

• ‘Oku anga-fēfē ‘etau fakahaa‘i ‘a e “ngāue mahu‘inga taha” kiate kitautolú?