‘Oku fakahaa‘i ‘e he fakatupú ‘a e lāngilangi ‘o Sihová. (Saame 19:1-4; 139:14) Kae kehe, ‘oku pouaki ‘e he māmani ‘o e Tēvoló ‘a e ngaahi fakakaukau ‘oku ‘ikai fakalāngilangi‘i ai ‘a e ‘Otuá ‘o fekau‘aki mo e tupu‘anga ‘o e mo‘uí. (Loma 1:18-25) ‘E lava fēfē ke ke ta‘ofi ‘a e ngaahi fakakaukau ko iá mei he‘ene faiaka ‘i he ‘atamai mo e loto ‘a ho‘o fānaú? Tokoni‘i kinautolu mei he‘enau kei si‘í ke fakatupulekina ‘a e tui ‘oku ‘i ai ‘a Sihova pea ‘okú ne tokanga mai fekau‘aki mo kinautolu fakafo‘ituitui. (2 Kol. 10:4, 5; ‘Ef. 6:16) Feinga ke ‘ilo‘i ‘enau ngaahi fakakaukau lotoloto taha ‘o fekau‘aki mo e me‘a ‘oku ako‘i kiate kinautolu ‘i he ‘apiakó, pea ngāue‘aki ‘a e ngaahi me‘angāue lahi ‘oku ala ma‘ú ke a‘u ki honau lotó.—Pal. 20:5; Sēm. 1:19.

SIO ‘I HE VITIŌ ME‘A ‘OKU LEA‘AKI ‘E HO TO‘UME‘Á—TUI KI HE ‘OTUÁ, PEA LĀULEA KI HE NGAAHI FEHU‘I KO ENÍ:

• Ko e hā ha talatupu‘a anga-maheni ‘o fekau‘aki mo e tui ki he ‘Otuá?

• Ko e hā ‘oku ako‘i ‘i he ‘apiakó?

• Ko e hā ‘okú ne fakatuipau‘i koe ‘oku ‘i ai ‘a Sihova?

• ‘E anga-fēfē ha‘o tokoni‘i ha taha ke faka‘uhinga ko e ‘Otuá na‘á ne fakatupu ‘a e me‘a kotoa pē?