61:1, 2

• Ko e vaha‘a taimi ia ‘a ia ‘oku ‘oange ai ‘e Sihova ki he kau anga-vaivaí ha faingamālie ke nau tali ‘ene fanongonongo ‘o e tau‘atāiná

• ‘I he ‘uluaki senitulí, ko e ta‘u ‘o e hōifuá na‘e kamata ia ‘i he taimi na‘e kamata ai ‘e Sīsū ‘ene ngāue fakafaifekaú ‘i he 29 T.S. pea na‘e faai mai ia ‘o a‘u ki he “taimi sauni” ‘a Sihová ‘i he taimi na‘e faka‘auha ai ‘a Selusalema ‘i he 70 T.S.

• ‘I hotau ‘ahó ni, ko e ta‘u ‘o e hōifuá na‘e kamata ia ‘i he taimi na‘e fakanofo tu‘i ai ‘a Sīsū ‘i hēvani ‘i he 1914 pea ‘e faka‘osi‘aki ‘a e mamahi lahí

61:3, 4, PM

• Ko e ‘ulu‘akau lalahi taha ‘i he māmaní ‘oku fa‘a tupu fakataha ia ‘i he ngaahi vaotaá, ‘a ia ‘oku fepoupouaki ai ‘a e ngaahi ‘ulu‘akau taki taha

• Ko e ngaahi fa‘unga aka lalahí ‘oku nau fetuiaki, ‘o nau ‘ai ‘a e ‘ulu‘akaú ke tu‘uma‘u mo matu‘uaki ‘a e ngaahi afaá

• Ko e malumalu ‘o e ‘ulu‘akau lalahí ‘okú ne malu‘i hono ngaahi hulí, pea ko hono laú ‘oku ngangana ‘o ne fakalelei‘i ‘a e kelekelé

Ko e mēmipa kotoa ‘o e fakataha‘anga Kalisitiane ‘i māmani lahí ‘oku nau ma‘u ‘aonga mei he fepoupouaki mo e malu‘i mei he “gaahi akau oe maonioni,” ‘a ia ko e toenga ‘o e kau paní