Ko e tala‘ofa ‘a e ‘Otuá ki he fakafo‘oú ‘oku lēkooti ia ‘i he ‘Aisea vahe 65 ‘oku mātu‘aki pau he ‘oku folofola ‘a Sihova ‘o fekau‘aki mo ia ‘o hangē ia kuo ‘osi fakahokó.

65:17

Ko e hā ‘a e ngaahi langi fo‘oú?

• Ko ha founga-pule fo‘ou te ne ‘omai ‘a e ngaahi tu‘unga mā‘oni‘oní ki he māmaní

• Na‘e fokotu‘u ia ‘i he 1914 ‘i he taimi na‘e fakanofo tu‘i ai ‘a Kalaisi ko e Tu‘i ‘i he Pule‘anga ‘o e ‘Otuá

Ko e hā ‘a e fonua fo‘oú?

• Ko ha sōsaieti ia ‘o ha kakai mei he ngaahi pule‘anga, lea mo e matakali kotoa pē, ‘oku nau anganofo fiefia ki he pule ‘a e founga-pule fo‘ou fakahēvaní

‘I he founga fē ‘e ‘ikai ke toe manatua ai ‘a e ngaahi me‘a mu‘á?

• Ko e ngaahi tupu‘anga ‘o e ngaahi manatu fakamamahí—fakasino, faka‘atamai mo e faingata‘a‘ia fakaeongó—‘e ‘ikai ke toe ‘i ai

• ‘E fiefia kakato ‘a e fa‘ahinga faitōnunga ‘o e tangatá pea te nau koloa‘aki ‘a e ngaahi manatu fakafiefia ‘i he hili ‘a e ‘aho taki taha