Fafanga‘i ‘a e Tokolahi Fakafou ‘i he Nima ‘o ha Tokosi‘i
Ki mu‘a si‘i ‘i he Pāsova ‘o e 32 T.S., na‘e fakahoko ai ‘e Sīsū ha mana, ‘a e mana pē taha na‘e lēkooti ‘e he kotoa ‘o e kau hiki Kōsipeli ‘e toko faá.
Fakafou ‘i he mana ko ení, na‘e fokotu‘u ai ‘e Sīsū ha sīpinga ‘oku hokohoko atu ‘ene muimui ki ai ‘i hotau ‘ahó ni.
-
Na‘e fekau‘i ‘e Sīsū ‘ene kau ākongá ke nau fafanga ‘a e fu‘u kakai tokolahí, neongo ko e fo‘i mā pē ‘e nima mo e mata‘iika ‘e ua na‘a nau ma‘ú
-
Na‘e to‘o hake ‘e Sīsū ‘a e fo‘i maá mo e iká, pea ‘i he hili hono fai ‘o ha lotu, na‘á ne kamata ‘oatu ia ki he‘ene kau ākongá, pea nau tufotufa atu leva ia ki he fu‘u kakaí
-
‘I ha founga fakaemana, na‘e lahi ‘ānoa ‘a e me‘a ke kai ‘e he tokotaha kotoa. Na‘e fafanga‘i ‘e Sīsū ha laui afe fakafou ‘i he nima ‘o ha tokosi‘i pē—ko ‘ene kau ākongá
-
Na‘e tomu‘a tala ‘e Sīsū ko e lolotonga ko ia ‘o e ngaahi ‘aho faka‘osí, te ne fokotu‘u ha fou‘anga ke tokonaki mai ai ‘a e ‘me‘akai fakalaumālie ‘i he taimi totonu.’—Māt. 24:45
-
‘I he 1919, na‘e fakanofo ai ‘e Sīsū “‘a e tamaio‘eiki anga-tonu mo potó,” ko ha ki‘i kulupu tokosi‘i ‘o e fanga tokoua paní, ke nau tokanga‘i “‘a e kau sevāniti ‘i hono falé,” ‘a e fa‘ahinga ‘oku fafanga‘í
-
Fakafou ‘i he ki‘i kulupu tokosi‘i ko eni ‘o e fanga tokoua paní, ‘oku muimui ai ‘a Sīsū ki he sīpinga na‘á ne fokotu‘u ‘i he ‘uluaki senitulí
‘E lava fēfē ke u fakahāhaa‘i ‘oku ou lāu‘ilo mo toka‘i ‘a e fou‘anga ‘oku ngāue‘aki ‘e Sīsū ke fafanga‘i fakalaumālie ai ‘a e kakaí?