Ko e JW Library ko e free app ia (ko e polokalama) ‘okú ke lava ai ke hiki ‘a e Tohi Tapú pe ko ha ‘ū tohi, vitiō, mo ha ngaahi polokalama hiki-le‘o ki ho‘o telefoni to‘oto‘ó, tepiletí pe komipiutá.

FOUNGA KE MA‘U AÍ: Hū ki he ‘initanetí, pea hiki ‘a e JW Library mei ha app store. ‘Oku ala ma‘u ‘a e app ‘i he me‘a faka‘ilekitulōnika kalasi kehekehe. ‘I ho‘o ‘i he ‘initanetí, hū ki he app pea fili ‘a e me‘a ‘okú ke loto ke hiki ki ho‘o me‘a faka‘ilekitulōniká. Kapau ‘oku ‘ikai malava ke ke hū ki he ‘initanetí ‘i ‘api, mahalo te ke lava ‘i he Fale Fakataha‘angá, laipeli ma‘á e kakaí pe ko ha fa‘ahinga feitu‘u pē ‘e lava ke ke hū ai ki he ‘initanetí. ‘I hono hiki pē ha tohi ki ho‘o me‘a faka‘ilekitulōniká ‘e ‘ikai toe fiema‘u ia ke ke hū ki he ‘initanetí. Koe‘uhi ko e tānaki mai ha ngaahi tafa‘aki fo‘ou ki he JW Library, ‘oku fiema‘u ke ke hū ki he ‘initanetí ‘i he taimi kotoa pē ke install ‘a e app updates kapau ‘oku ala ma‘u.

KO E HĀ KE MA‘U AI IÁ? Ko e JW Library ‘oku fe‘ungamālie ia ki he ako fakafo‘ituituí pea muimui ‘i ai lolotonga ‘a e ngaahi fakataha ‘a e fakataha‘angá. ‘Oku toe tokoni ia ki he ngāue fakamalangá tautefito ‘i he faifakamo‘oni ‘i he founga ‘ikai anga-mahení.