Mē 27–Sune 2
SAAME 42-44
Hiva 86 mo e Lotu | Lea Kamata (1 min.)
1. Maʻu ʻAonga Kakato mei he Ako Fakaʻotuá
(10 min.)
Ngāueʻaongaʻaki ʻa e ngaahi faingamālie ke lotu kia Sihova fakataha mo e niʻihi kehé, ʻo fakahoko mata ki he mata ʻo ka malava (Saame 42:4, 5; w06 6/1 9 ¶4)
Lotu ki muʻa ke ako ʻa e Folofola ʻa e ʻOtuá (Saame 42:8; w12 1/15 15 ¶2)
Fakaʻatā ʻa e moʻoni Fakatohitapú ke ne tataki ʻa e tafaʻaki kotoa hoʻo moʻuí (Saame 43:3)
Ko e ako fakaʻotuá ʻokú ne fakaivimālohiʻi kitautolu ke fehangahangai mo e ngaahi ʻahiʻahí pea moʻui ʻo fakatatau ki heʻetau fakatapuí.—1 Pita 5:10; w16.09 5 ¶11-12.
2. Makakoloa Fakalaumālie
(10 min.)
-
Saame 44:19—Ko e hā ʻoku ʻuhinga nai ki ai ʻa e kupuʻi lea “potu ʻoku nofo ai ʻa e fanga siakalí”? (it-1-E 1242)
-
Ko e hā ʻa e makakoloa fakalaumālie naʻá ke ako mei he lau Tohi Tapu ʻo e uike ní?
3. Lau Tohi Tapu
(4 min.) Saame 44:1-26 (th ako 11)
4. Kamataʻi ha Fetalanoaʻaki
(4 min.) FALE KI HE FALE. Tuʻuaki ha ako Tohi Tapu. (lmd lēsoni 5 poini 5)
5. Toe Foki
(5 min.) FALE KI HE FALE. Fakaafeʻi ʻa e tokotahá ki he malanga maʻá e kakai hono hokó. Fakaʻaliʻali ʻa e vitiō Ko e Hā ʻOku Fai ʻi ha Fale Fakatahaʻanga? (lmd lēsoni 7 poini 5)
6. Malanga
(3 min.) lmd fakamatala fakalahi A poini 4—Kaveingá: ʻE Maʻu ʻe he Tokotaha Kotoa ʻa e Moʻui Lelei Haohaoa. (th ako 2)
Hiva 21
7. Fai ʻa e Ngaahi Fili Fakapotopoto Fekauʻaki mo e Ngāué mo e Akó
(15 min.) Fetalanoaʻaki.
Toʻutupu, ʻokú ke palani ki he meʻa te ke fai ʻi he hili hoʻo ʻosi mei he kolisí? Kuó ke ʻosi fakakaukau nai ki ha ngāue ʻa ia ʻe lava ke tokoniʻi ai koe ke ke tāimuʻa. Pe ngalingali ʻokú ke fakakaukau ki ha ngaahi koosi ʻe lava ke ke toʻo ʻa ia te ne tokoniʻi koe ke maʻu ha pōtoʻi, ko ha laiseni pe ko ha tipiloma ʻa ia te ne tokoniʻi koe ke maʻu ʻa e ngāue ko iá. Ko ha taimi fakafiefia eni ʻi hoʻo moʻuí! Neongo ia, te ke ongoʻi lōmekina nai koeʻuhi ko e ngaahi meʻa te ke fili mei aí pe ongoʻi ʻoku tenge koe ke fai ha fili te ne fakahōhōʻiaʻi ʻa e niʻihi kehé. Ko e hā ʻe lava ke ne tokoniʻi koe ke fai ʻa e ngaahi fili fakapotopotó?
Lau ʻa e Mātiu 6:32, 33. ʻEke leva ki he kau fanongó:
-
Ko e hā ʻoku lelei ai ke ʻai ke mahino ʻa e ngaahi taumuʻa fakalaumālié ki muʻa ke fai ʻa e ngaahi fili mahuʻinga fekauʻaki mo e ngāué mo e akó?
-
ʻE lava fēfē ke tokoniʻi ʻe he ngaahi mātuʻá ʻenau fānaú ke ngāueʻaki ʻa e Mātiu 6:32, 33?—Saame 78:4-7
Tokanga ke ʻoua naʻa fakaʻatā ʻa e holi ki ha maluʻanga fakapaʻangá pe ongoongoá ke ne tākiekina hoʻo ngaahi filí. (1 Sio. 2:15, 17) Manatuʻi, naʻa mo hono maʻu pē ʻa e koloa fakamatelie lahí ʻe lava ke ne ʻai ke faingataʻa ki ha tokotaha ke ne tali ʻa e pōpoaki ʻo e Puleʻangá. (Luke 18:24-27) Ko e tuli ki he koloa fakamatelié ʻoku ʻikai ke fehoanakimālie ia mo e tupu mo lavameʻa fakalaumālié.—Māt. 6:24; Mk. 8:36.
Huluʻi ʻa e VITIŌ Tokanga ke ʻOua ʻe Falala ki he Meʻa ʻe Kaʻangá!—Koloá. ʻEke leva ki he kau fanongó:
-
ʻE lava fēfē ke tokoniʻi koe ʻe he Palōveepi 23:4, 5 ke fai ʻa e ngaahi fili fakapotopotó?
