Ko e polosiua Ko Hai ‘Okú Ne Fai ‘a e Finangalo ‘o Sihová ‘i he ‘Aho Ní? na‘e fa‘u ia ke lāulea ki ai mo e kau ako Tohi Tapú ki mu‘a pe ko e ‘osi ‘a e ako taki taha. * Ko e lēsoni 1 ki he 4 ‘oku tokoni‘i ai ‘a e kau akó ke nau alāanga mo kitautolu Kau Fakamo‘oni ‘a Sihová, lēsoni 5 ki he 14 ‘oku tokoni‘i ai kinautolu ke nau ‘ilo fekau‘aki mo ‘etau ngaahi ngāué, pea ko e lēsoni 15 ki he 28 ‘oku fakahaa‘i ai kiate kinautolu ‘a e ngāue ‘etau kautahá. Ko e lelei tahá ke lāulea hokohoko ki he ngaahi lēsoní tuku kehe kapau ‘oku ‘i ai ha lēsoni ‘oku fu‘u fiema‘u ke fai ha vakai ki ai ‘i he taimi ko iá. Ko e lēsoni taki taha ‘oku peesi pē ‘e taha pea ‘oku lava ke lāulea ki ai mo e tokolahi taha ‘o e kau akó ‘o fe‘unga mo ha miniti ‘e nima ki he hongofulu.

• Fakahanga ‘a e tokangá ki he fehu‘i ‘a ia ko e kaveinga ia ‘o e lēsoní

• Lau ‘a e lēsoní, fakakātoa pe fakakongokonga

• Fetalanoa‘aki ki he me‘a na‘e toki laú. Ngāue‘aonga‘aki ‘a e ngaahi fehu‘i ‘i lalo ‘i he pēsí mo e ngaahi fakatātaá. Lau mo fetalanoa‘aki ki he ngaahi konga Tohi Tapú ‘o ka faingamālie. Fakamamafa‘i ko e ngaahi kaveinga tokoni ‘oku tohi‘i mata‘ā‘aá ko e tali ia ki he fehu‘i ‘i he kaveingá

• Kapau ‘oku ‘i ai ha puha “‘Ilo Lahi Ange” lau ia pea fakalototo‘a‘i ho‘o tokotaha akó ke ne muimui‘i ‘a e fokotu‘ú