‘UHINGA ‘OKU MAHU‘INGA AÍ: Ko e tohi 1 Kolinitoó, ko e taha ia ‘i he ngaahi tohi ‘e 14 na‘e hiki ‘e he ‘apositolo ko Paulá ke fakalototo‘a‘i ‘a e kaungā Kalisitiané. Ko e taimi ‘oku fai ai ‘e ha taha ha tohi, ‘okú ne fiema‘u ‘a e taimi ke fili ‘a e ngaahi fo‘i lea lelei pea fokotu‘utu‘u fakalelei ia, koe‘uhi ke lau pea toutou lau ia ‘e he tokotaha ‘oku fai ki ai ‘a e tohí. Ko e faitohí ko e founga lelei ia ‘e lava ke faifakamo‘oni ai ki he kāingá mo e ngaahi mahení. ‘Oku toe hoko ia ko e founga ola lelei ke faifakamo‘oni ai ki he fa‘ahinga ‘oku ‘ikai ke tau fetaulaki fakafo‘ituitui mo iá. Ko e fakatātaá, ko ha tokotaha ‘okú ne fakahāhā ha mahu‘inga‘ia ka ‘oku ‘ikai fa‘a ma‘u ia ki ‘api. Ko e ni‘ihi ‘i he‘etau feitu‘u ngāué ‘e faingata‘a nai ke a‘u ki ai koe‘uhi he ‘oku nau nofo ‘i ha ngaahi fale ‘apaatimeni ‘oku le‘ohi malu, feitu‘u ‘oku ‘ā malu, pe ngaahi feitu‘u tu‘u-mavahe. Ko e hā ‘a e ngaahi me‘a ke manatu‘í, tautefito ki he faitohi ki ha taha ‘oku ‘ikai ke te maheni mo ia?

FOUNGA HONO FAI IÁ:

• Anga-fakafetalanoa‘aki. Fakafe‘iloaki koe ‘i he kamata‘anga ‘o e tohí, fakahaa‘i mahino ‘a e ‘uhinga ho‘o tohí. ‘Eke nai ha fehu‘i ke fakakaukau ki ai ‘a e tokotahá, pea taki ki he‘etau uepisaití. Fakahā ange leva kiate ia ‘a e Ngaahi Lēsoni Fakatohitapu, pe ‘autilaine ‘o e polokalama ako Tohi Tapu ‘i ‘apí pe ngaahi vahe ‘o e kaveinga mei he taha ‘o ‘etau ngaahi tohi tokoni ki he akó. Fa‘o ha tohi, hangē ko e kaati fetu‘utaki, tohi fakaafe, pe ko ha tuleki

• Tauhi ke nounou mo mahino ho‘o tohí na‘a pipiko‘ia ‘a e tokotaha ‘oku ‘ave ki aí.—Sio ki he sīpinga faitohi

• Toe lau fakalelei ‘a e tohí na‘a ‘oku ‘i ai ha hala mo mahinongofua. Fakapapau‘i ‘oku ongo fakakaume‘a, fakapotopoto mo fakamatāpule. Fakasitapa ‘a e tohí ‘i hono mahu‘inga totonú