• Ngāue‘aki pē ho tu‘asilá. Kapau ‘okú ke ongo‘i ‘oku ‘ikai ke fakapotopoto ke ‘oatu ho tu‘asilá, ‘e lava ke ke ngāue‘aki ‘a e tu‘asila ‘o e Fale Fakataha‘angá kapau kuo ‘oatu ha ngofua mei he kau mātu‘á. Kae kehe, ‘OUA ‘AUPITO ‘e ngāue‘aki ‘a e tu‘asila ‘o e ‘ōfisi va‘á ke fetu‘utaki mai ai.

• Ngāue‘aki ‘a e hingoa ‘o e tokotahá kapau ‘okú ke ‘ilo‘i. Ke faka‘ehi‘ehi mei hano to‘o hala‘i ‘o e tohí ko ha tu‘uaki koloa.

• Tokanga ki he sipelá, kalamá mo e faka‘ilonga leá. Fakapapau‘i ‘oku ma‘a mo maau ‘a e tohí. Kapau ‘oku hiki-tohi nima, fakapapau‘i ‘oku mahino ‘a e mata‘itohí. Ko e fakaleá ‘e pau ke ‘oua ‘e fu‘u ‘ai‘ai noa‘ia pe fu‘u fakamatāpule.

Ko e sīpinga faitohi ko ení ‘oku fakahaa‘i ai ‘a e ngaahi poini ko ení. ‘Oku ‘ikai ‘uhinga ia ke ke fu‘u pipiki ki ai ‘i ha‘o fai ha tohi ki ha taha ‘i ho feitu‘u ngāué. Fe‘unu‘aki ho‘o tohí ‘o fakatatau ki he taumu‘a, ngaahi tu‘unga fakalotofonuá pea mo e tu‘unga anga-mahení.