‘Oku tau fai ha feinga makehe ‘i he ta‘u taki taha ke fakaafe‘i ‘a e kakai he feitu‘u ngāué ke kau mo kitautolu ‘i he Fakamanatú. Ko e tokolahi taha ‘o kinautolú ko e kau sola. ‘Oku totonu foki ke tau fakaafe‘i ‘a e kakai ‘oku tau ‘ilo‘í. Ko e kakai ‘oku nau ma‘u ha tohi fakaafe mei ha taha ‘oku nau ‘ilo‘í ‘e ngalingali te nau ha‘u. (yb08 11 ¶3; 14 ¶1) Ko hai ‘a e ni‘ihi te ke lava ‘o fakaafe‘í?

• Kāinga

• Kaungāngāue pe kaungāako

• Kaungā‘api

• Toe ‘a‘ahi mo e kau ako Tohi Tapu ‘i he kuo hilí mo e lolotonga

Tānaki atu ki ai, ‘e fakaafe‘i ‘e he kau mātu‘á ‘a e fa‘ahinga ‘oku ‘ikai longomo‘uí. Fēfē kapau ‘oku ‘ikai nofo ‘a e tokotaha ‘okú ke ‘ilo‘í ‘i ho feitu‘ú? ‘E lava ke ke kumi ‘a e taimi mo e feitu‘u ‘e fai ai ‘a e Fakamanatu ‘i hono feitu‘ú ‘aki ‘a e lomi ‘i he FEKAU‘AKI MO KIMAUTOLU ‘i ‘olunga ‘i he peesi tefito ‘o e jw.org pea fili ‘a e “Fakamanatu.” ‘I ho‘o teuteu ki he fakamanatu ‘i he ta‘u ní, fakakaukau ki he ni‘ihi te ke lava ‘o fakaafe‘í, pea fakaafe‘i leva kinautolu.