‘E lava ke ako ‘a e kau Kalisitiané mei he me‘a na‘e hoko ki he kau ‘Isilelí ‘i he toafa ‘o Mōapé. (1 Kol. 10:6, 8, 11) Ko e kau fefine Mōapé ‘a ia na‘a nau fehokotaki fakasino ta‘etaau mo lotu ki he ‘aitolí, na‘a nau tākiekina ‘a e kau ‘Isileli na‘e feohi mo kinautolú ke fakahoko ‘a e angahala mafatukituki. Na‘e iku eni ki ha nunu‘a fakalilifu. (Nōm. 25:9) ‘Oku ‘ātakai‘i kitautolu ‘e he fa‘ahinga ‘oku ‘ikai ke nau lotu kia Sihova hangē ko e kaungāngāue, kaungāako, kaungā‘api, kāinga mo e ni‘ihi kehé. Ko e hā ‘e lava ke tau ako mei he fakamatala Fakatohitapu ko ení ki he fakatu‘utāmaki ‘e hoko ‘i he‘etau kaume‘a vāofi mo e fa‘ahinga ‘oku ‘ikai ke nau lotu kia Sihová?

SIO ‘I HE VITIŌ FAKATĀTĀ FAKAEFAKATOKANGA KI HOTAU TAIMÍ​—KONGA PEA TALI LEVA ‘A E NGAAHI FEHU‘I KO ENÍ:

• Ko e hā ‘a e faka‘uhinga hala na‘e tala ange ‘e Similai mo e ni‘ihi kehé kia Siaminí?

• Na‘e anga-fēfē tokoni ‘a Fineasi kia Siamini ke ne ma‘u ‘a e vakai totonú?

• Ko e hā ‘a e faikehekehe ‘i he hoko ‘o anga-fakakaume‘a ki ha tokotaha ta‘etui mo e hoko ko hono kaume‘á?

• Ko e hā kuo pau ai ke tau tokanga ‘i hono fili hotau ngaahi kaume‘a ofí na‘a mo e ‘i he fakataha‘angá?

• Ko e hā kuo pau ai ke tau faka‘ehi‘ehi mei he fetu‘utaki mo e fa‘ahinga ‘oku ‘ikai ke tau ‘ilo‘i lelei ‘i he mītia fakasōsialé?