Ko Sihova ko e “‘Otua fiefiá” ‘okú ne loto ke tau fiefia ‘i he ngāue fakafaifekaú. (1 Tīm. 1:11) ‘E tupulaki ‘etau fiefiá ‘i he‘etau ngāue ke fakalelei‘i ‘etau pōto‘í. Ko e ‘eke ha ngaahi fehu‘í ‘e lava ke ne langa‘i ha mahu‘inga‘ia pea ko e founga fakanatula ia ke kamata‘i ha fetalanoa‘aki. Ko e ngaahi fehu‘í ‘okú ne faka‘ai‘ai ‘a e kakaí ke nau fakakaukau mo faka‘uhinga. (Māt. 22:41-45) ‘I hono ‘eke ‘a e ngaahi fehu‘í pea fanongo ki he talí, ‘oku hangē ia ‘oku tau tala ange ki he tokotahá, ‘‘Okú ke mahu‘inga kiate au.’ (Sēm. 1:19) Ko e tali ‘a e tokotahá ‘e tokoni nai ia ke tau ‘ilo ‘a e founga lelei taha ke hoko atu ki ai ‘a e fetalanoa‘akí.

SIO ‘I HE VITIŌ HOKOSIA ‘A E FIEFIA ‘I HE NGAOHI ĀKONGÁ​—FAKALELEI‘I HO‘O PŌTO‘Í​—‘EKE FEHU‘I PEA TALI LEVA ‘A E NGAAHI FEHU‘I KO ENÍ:

• Ko e hā ‘a e ngaahi ‘ulungaanga lelei na‘e fakahāhā ‘e Losé?

• Ko e hā ha fehu‘i na‘e ngāue‘aki ‘e Nita ke fakahaa‘i ‘a e mahu‘inga‘ia fakafo‘ituituí?

• Ko e hā ha fehu‘i na‘e ngāue‘aki ‘e Nita ke langa‘i ‘a e mahu‘inga‘ia ‘a Lose ‘i he ongoongo leleí?

• Ko e hā ha fehu‘i na‘e ngāue‘aki ‘e Nita ke tokoni‘i ‘a Lose ke fakakaukau mo faka‘uhingá?