ʻOku loto ʻa Sihova ke tau tauhi kiate ia makatuʻunga ʻi he ʻofa. (Māt. 22:37, 38) Ko e ʻofa ki he ʻOtuá te ne fakaivia ʻa e kau ako Tohi Tapú ke fai ʻa e ngaahi liliu ʻoku fiemaʻú pea tuʻumaʻu ʻi he malumalu ʻo e ʻahiʻahí. (1 Sio. 5:3) Ko ʻenau ʻofa ki he ʻOtuá te ne ueʻi kinautolu ke nau papitaiso.

Tokoniʻi hoʻo kau akó ke nau sio ki he ʻofa ʻa e ʻOtuá kiate kinautolú. ʻEke ʻa e ngaahi fehuʻi ʻo hangē ko ení: “Ko e hā ʻoku akoʻi atu heni fekauʻaki mo Sihová?” pe “ʻOku anga-fēfē hono fakahaaʻi heni ʻa e ʻofa ʻa e ʻOtuá kiate koé?” Tokoniʻi kinautolu ke nau sio ki he founga hono tokoniʻi fakafoʻituitui kinautolu ʻe Sihová. (2 Kal. 16:9) Vahevahe ange ʻa e ngaahi fakatātā ʻo e anga hono tali ʻe Sihova hoʻo ngaahi lotu paú, pea fakalototoʻaʻi kinautolu ke sio ki he founga hono tali ʻe Sihova ʻenau ngaahi lotú. ʻOku tau fiefia lahi ʻi he sio ki he kau ako Tohi Tapú ʻoku nau tali ʻa e ʻofa ʻa Sihová pea fakahaaʻi ʻoku nau ʻofa kiate ia pea hoko ko hono kaumeʻa.

SIO ʻI HE VITIŌ TOKONIʻI HOʻO KAU AKO TOHI TAPÚ KE FAKATUPULEKINA HA VAHAʻANGATAE FAKAFOʻITUITUI MO SIHOVA, PEA TALI LEVA ʻA E NGAAHI FEHUʻI KO ENÍ:

• Ko e hā ʻa e fakafaingataʻaʻiaʻanga naʻe fehangahangai mo Losé?

• Naʻe anga-fēfē hono tokoniʻi ʻe Nita ʻa Losé?

• Naʻe anga-fēfē hono ikuʻi ʻe Lose ʻa e fakafaingataʻaʻiaʻangá?