ʻEpeleli 1-7
SAAME 23-25
Hiva 4 mo e Lotu | Lea Kamata (1 min.)
1. “Ko Hoku Tauhi-Sipí ʻa Sihova”
(10 min.)
ʻOku tataki kitautolu ʻe Sihova (Saame 23:1-3; w11-E 5/1 31 ¶3)
ʻOku maluʻi kitautolu ʻe Sihova (Saame 23:4; w11-E 5/1 31 ¶4)
ʻOku fafanga kitautolu ʻe Sihova (Saame 23:5; w11-E 5/1 31 ¶5)
ʻOku tokangaʻi ʻe Sihova ʻene kau sevānití ʻo hangē pē ko ha tauhi-sipi anga-ʻofa ʻokú ne tokangaʻi ʻene fanga sipí.
ʻEKE HIFO, ‘Kuo anga-fēfē hono tokangaʻi fakafoʻituitui au ʻe Sihová?’
2. Makakoloa Fakalaumālie
(10 min.)
Saame 23:3—Ko e hā ʻa e “ngaahi hala ʻo e māʻoniʻoní,” pea ko e hā te ne tokoniʻi kitautolu ke ʻoua ʻe afe mei aí? (w11 2/15 24 ¶1-3)
Ko e hā ʻa e makakoloa fakalaumālie naʻá ke ako mei he lau Tohi Tapu ʻo e uike ní?
3. Lau Tohi Tapu
(4 min.) Saame 23:1–24:10 (th ako 5)
4. Kamataʻi ha Fetalanoaʻaki
(3 min.) FOUNGA ʻIKAI ANGA-MAHENI. Vahevahe ha veesi Tohi Tapu fakalototoʻa ki ha tokotaha ʻokú ne tala atu ʻokú ne hohaʻa fekauʻaki mo e ʻātakaí. (lmd lēsoni 2 poini 5)
5. Toe Foki
(4 min.) FALE KI HE FALE. Fakahāhā ha ako Tohi Tapu ki ha tokotaha naʻá ne tali ʻa e polosiua Fiefia ʻi he Moʻuí ʻo Taʻengata! (lmd lēsoni 9 poini 3)
6. Ngaohi Ākonga
(5 min.) lff lēsoni 14 poini 4 (lmd lēsoni 11 poini 3)
Hiva 54
7. ʻOku Tau Talitekeʻi ʻa e Leʻo ʻo e Faʻahinga Kehé
(15 min.) Fetalanoaʻaki.
Ko e fanga sipí ʻoku nau ʻiloʻi ʻa e leʻo ʻa honau tauhí pea muimui ʻiate ia. ʻI he tafaʻaki ʻe tahá, ʻoku nau hola mei ha tokotaha ʻoku ʻikai te nau ʻiloʻi hono leʻó. (Sione 10:5) ʻI he tuʻunga meimei tatau, ʻoku tau fanongo ki he leʻo ʻa hotau ongo Tauhi-Sipi fakalaumālie anga-ʻofa mo falalaʻangá, ʻa Sihova mo Sīsū. (Saame 23:1; Sione 10:11) Ka ʻoku tau talitekeʻi ʻa e leʻo ʻo e faʻahinga kehe ʻa ia ʻoku nau feinga ke fakavaivaiʻi ʻetau tuí ʻaki ʻa e “ngaahi lea loi.”—2 Pita 2:1, 3.
ʻOku fakamatalaʻi ʻi he Sēnesi vahe tolú ʻa e fuofua taimi naʻe fanongoa ai ha leʻo ʻo ha taha kehe ʻi he māmaní. Naʻe fakaofiofi ʻa Sētane kia ʻIvi ʻi ha founga kākā ʻo ne fūfū hono tuʻunga moʻoní. ʻI he fakangalingali ko hono kaungāmeʻá, naʻá ne mioʻi ʻa e ngaahi lea mo e fakaueʻiloto ʻa Sihová. Ko e meʻa fakamamahí, naʻe tō ai ʻa ʻIvi, ʻa ia naʻá ne iku atu ai ki he faingataʻaʻia taʻefaʻalaua mo hono fāmilí.
ʻI he ʻahó ni, ʻoku feinga ʻa Sētane ke tō ʻa e veiveiua fekauʻaki mo Sihova mo ʻene kautahá ʻaki hono fakamafola ʻa e ngaahi talanoa ʻikai lelei, moʻoni fakakonga mo e ngaahi loi mataʻāʻā. ʻI he taimi ʻoku tau fanongo ai ki he leʻo ʻo ha tokotaha kehe, ʻoku totonu ke tau hola! Ko e fanongo, naʻa mo e ʻi ha kiʻi taimi nounou koeʻuhi ko ʻetau fieʻiló, ʻoku fakatuʻutāmaki. Ko e foʻi lea ʻe fiha naʻe fiemaʻu ʻe Sētane ke ne takihalaʻi ʻaki ʻa ʻIvi lolotonga ʻena fetalanoaʻaki nounoú? (Sēn. 3:1, 4, 5) Kae fēfē kapau ko ha tokotaha ʻoku tau ʻiloʻi—ko ha tokotaha ʻokú ne ʻofa ʻiate kitautolu pea maʻu ʻa e ngaahi taumuʻa lelei—ʻokú ne loto ke vahevahe mai ʻa e ngaahi fakamatala ʻikai lelei fekauʻaki mo e kautaha ʻa Sihová?
Huluʻi ʻa e VITIŌ Talitekeʻi “ʻa e Leʻo ʻo e Faʻahinga Kehé.” ʻEke leva ki he kau fanongó:
Ko e hā naʻá ke ako mei he founga naʻe fakaleleiʻi ai ʻe Lose ʻa e tuʻunga naʻe hoko kiate ia mo ʻene faʻē taʻetuí?
8. Ako Tohi Tapu ʻa e Fakatahaʻangá
(30 min.) lff lēsoni 44 poini 1-4 mo e fakamatala ʻi he ngataʻangá 5
