ʻEpeleli 29–Mē 5
SAAME 34-35
Hiva 10 mo e Lotu | Lea Kamata (1 min.)
1. “Fakahīkihikiʻi ʻa Sihova ʻi he Taimi Kotoa Pē”
(10 min.)
Naʻe fakahīkihikiʻi ʻe Tēvita ʻa Sihova naʻa mo e taimi naʻá ne hokosia ai ʻa e ngaahi ʻahiʻahí (Saame 34:1; w07 3/1 22 ¶11)
Naʻe pōlepole ʻa Tēvita ʻia Sihova, ʻo ʻikai ʻiate ia tonu (Saame 34:2-4; w07 3/1 22-23 ¶13)
Ko e ngaahi fakahīkihiki naʻe fai ʻe Tēvitá naʻe fakaivimālohiʻi ai hono ngaahi kaungāmeʻá (Saame 34:5; w07 3/1 23-24 ¶15)
ʻI he hili ʻa e mavahe ʻa Tēvita meia ʻApimelekí, naʻá ne fakatahataha ʻi he toafá mo ha kau tangata ʻe toko 400 ʻa ia naʻa nau loto-mamahi ʻia Saula. (1 Sām. 22:1, 2) Naʻe fakakaukau nai ʻa Tēvita ki he faʻahingá ni ʻi he taimi naʻá ne faʻu ai ʻa e saame ko ʻení.—Saame 34, fakamatala talateu.
ʻEKE HIFO, ‘ʻE lava fēfē ke u fakahīkihikiʻi ʻa Sihova ʻi he taimi te u talanoa ai mo ha taha ʻi he fakataha hono hoko ʻa e fakatahaʻangá?’
2. Makakoloa Fakalaumālie
(10 min.)
-
Saame 35:19—Ko e hā ʻa e ʻuhinga ʻo e kole ʻa Tēvita ke ʻoua ʻe fakaʻatā ʻa e faʻahinga ʻoku nau fehiʻa ʻiate iá ke nau “fakakuitaha” angé? (w06 5/15 20 ¶1)
-
Ko e hā ʻa e makakoloa fakalaumālie naʻá ke ako mei he lau Tohi Tapu ʻo e uike ní?
3. Lau Tohi Tapu
(4 min.) Saame 34:1-22 (th ako 5)
4. Kamataʻi ha Fetalanoaʻaki
(2 min.) FOUNGA ʻIKAI ANGA-MAHENI. ʻOku ʻosi ʻa e fetalanoaʻakí ia ki muʻa ke ke faifakamoʻoni. (lmd lēsoni 1 poini 4)
5. Toe Foki
(4 min.) FOUNGA ʻIKAI ANGA-MAHENI. (lmd lēsoni 2 poini 4)
6. Fakamatalaʻi Hoʻo Tuí
(5 min.) Fakahāhā. ijwfq kupu 59—Kaveingá: ʻOku Anga-Fēfē Hono Fakapapauʻi ʻe he Kau Fakamoʻoni ʻa Sihová pe ʻOku Totonu Ke Nau Kātoangaʻi ha ʻAho Mālōlō? (th ako 17)
Hiva 59
7. Founga ʻe Tolu ke Fakahīkihikiʻi Ai ʻa Sihova ʻi he Ngaahi Fakatahá
(15 min.) Fetalanoaʻaki.
Ko e ngaahi fakataha ʻa e fakatahaʻangá ʻoku ʻomai ai ʻa e ngaahi faingamālie lelei ʻaupito ke fakahīkihikiʻi ʻa Sihova. Ko e founga eni ʻe tolu.
Fetalanoaʻaki: Talanoa mo e niʻihi kehé ki he ngaahi lelei ʻa Sihová. (Saame 145:1, 7) Naʻá ke fanongo pe lau fekauʻaki mo ha poini tefito naʻá ke maʻu ʻaonga mei ai? Naʻe ʻi ai haʻo hokosia lelei ʻi he ngāue fakamalangá? Naʻá ke maʻu ha fakalototoʻa mei ha taha fakafou ʻi heʻene ngaahi leá pe tōʻongá? Naʻá ke fakatokangaʻi ha tafaʻaki ʻo e fakatupú naʻe maongo kiate koe? Ko e ngaahi meʻaʻofa kotoa ʻeni meia Sihova. (Sēm. 1:17) Aʻu tokamuʻa ki he fakatahá koeʻuhí ke ke maʻu ha taimi ke talanoa ai mo e niʻihi kehé.
Tali: Feinga ke fai ha tali ʻe taha ʻi he fakataha taki taha. (Saame 26:12) ʻE lava ke ke tali hangatonu ki he fehuʻí pe tali ʻi ha poini ʻe taha, ko ha konga Tohi Tapu, ko e fakatātaá, pe ko e founga ʻe lava ke ngāueʻaki ai ʻa e fakamatalá. Koeʻuhí ʻoku ngalingali ʻe tokolahi ʻa e faʻahinga te nau hiki nima fakataha mo koé, teuteu ke lahi ʻa e ngaahi talí. ʻE tokolahi ange ʻa e faʻahinga ʻe lava ke nau “ʻoatu maʻu pē ki he ʻOtuá . . . ha feilaulau ʻo e fakafetaʻi” kapau ko ʻetau ngaahi talí ʻoku sekoni ʻe 30 pe siʻi ange.—Hep. 13:15.
Hiva: Hiva ʻi he loto-vēkeveke ʻa e ngaahi hiva ʻo e Puleʻangá. (Saame 147:1) Mahalo heʻikai nai ke ʻoatu ha faingamālie ke ke tali ʻi he fakataha kotoa, tautefito ʻi ha fakatahaʻanga tokolahi, ka ʻe lava ke ke kau maʻu pē ʻi hono hivaʻi ʻa e ngaahi hivá. Neongo kapau ʻokú ke ongoʻi ʻoku ʻikai ko ha tokotaha leʻo lelei koe, hoko ʻo fakapapauʻi ʻi hoʻo fai ho lelei tahá ʻokú ke fakahīkihikiʻi ai ʻa Sihova! (2 Kol. 8:12) ʻE lava ke ke mateuteu ʻaki hono ʻahiʻahiʻi ʻa e ngaahi hivá ʻi ʻapi.
Huluʻi ʻa e VITIŌ Laka ki Muʻa ʻEtau Kautahá—Ko e Meʻaʻofa ʻo e Hivá, Konga 1. ʻEke leva ki he kau fanongó:
Lolotonga ʻa e taimi naʻe kamata ai ʻi onopooni ʻetau kautahá, naʻe anga-fēfē ʻetau fakahāhā ko e hiva fakahīkihiki kia Sihová ʻoku mahuʻinga?
8. Ako Tohi Tapu ʻa e Fakatahaʻangá
(30 min.) lff lēsoni 46
