• Pal. 11:17—ʻOku anga-fēfē ʻetau maʻu ʻaonga mei hono fakahāhā ʻa e anga-leleí? (g20.1 11, puha)

  Ko hoʻo talí

• Ko e hā ʻa e makakoloa fakalaumālie naʻá ke ako mei he lau Tohi Tapu ʻo e uike ní?

  Ko hoʻo talí

Koeʻuhí ʻoku tau taʻehaohaoa, te tau humu ‘i heʻetau leá. (Sēm. 3:8) Neongo ia, kapau te tau fakakaukau ki he nunuʻá, ʻe tokoniʻi ai kitautolu ke fakaʻehiʻehi mei hono leaʻaki ha ngaahi meʻa te tau fakaʻiseʻisa ai ʻamui ange. Ko e niʻihi eni ʻo e ngaahi lea ʻe lava ke ne veuki ʻa e melino ʻi he fakatahaʻangá:

• Pōlepole taʻetotonu. Ko e lea fakahīkihikiʻi-kita eni pea ʻe lava ke ne langaʻi ha feʻauʻauhi mo e meheka.—Pal. 27:2

• Lea loi. ʻOku ʻikai ngata pē hono leaʻaki ʻa e ngaahi loi mataʻāʻaá ka ʻoku kau ki ai mo hono leaʻaki ha meʻa ʻoku fakataumuʻa ke takihalaʻi ha taha. Naʻa mo ha loi siʻisiʻi ʻe lava ke ne ʻai kitautolu ke tau taʻefalalaʻanga pea maumauʻi hotau ongoongó.—Tml. 10:1

• Lau fakatupu maumau. Ko e talanoa launoa ko eni fekauʻaki mo e kakaí mo ʻenau moʻuí ʻokú ne mioʻi ʻa e moʻoní pe fakaeʻa ha meʻa fakapulipuli. (1 Tīm. 5:13) ʻE lava ke taki atu ia ki he kē mo e māvahevahe.

• Lea ʻita. Ko e lea taʻemapuleʻi eni ʻoku tau fai ʻo fekauʻaki mo ha tokotaha ʻokú ne fakaʻitaʻi kitautolu. (ʻEf. 4:26) ʻE lava ke ne fakatupunga ʻa e loto-mamahi.—Pal. 29:22

Huluʻi ʻa e VITIŌ “Huʻi Atu” ʻa e Meʻa ʻOkú Ne Veuki ʻa e Melinó—Konga. ʻEke leva ki he kau fanongó:

• Ko e hā naʻá ke ako fekauʻaki mo e faingofua ke maumauʻi ʻe heʻetau leá ʻa e melino ʻo e fakatahaʻangá?

  Ko hoʻo talí

Ke vakai ki he founga naʻe toe fakafoki mai ai ʻa e melinó, sio ʻi he “Kumi ki he Melinó pea Tuli ki Ai.”