KOLOA MEI HE FOLOFOLA ‘A E ‘OTUÁ | SIOPE 1-5
Tauhi Anga-Tonu ‘a Siope ‘i he ‘Ahi‘ahí
Na‘e mo‘ui ‘a Siope ‘i ‘Usa ‘i he taimi na‘e kei nofo pōpula ai ‘a e kau ‘Isilelí ‘i ‘Isipité. Neongo na‘e ‘ikai ko ha ‘Isileli ia, ko Siopé ko ha tokotaha lotu mateaki ‘a Sihova. Na‘e tokolahi hono fāmilí, koloa‘ia ‘aupito pea na‘á ne mahu‘inga ‘i hono feitu‘ú. Na‘á ne hoko ko ha faiakonaki na‘e toka‘i lahi pea ta‘efilifilimānako ‘ene faifakamāú. Na‘á ne nima-homo ki he masivá. Ko Siopé ko ha tangata na‘e anga-tonu.
Na‘e fakahaa‘i mahino ‘e Siope ko e Tokotaha mahu‘inga taha ki he‘ene mo‘uí ko Sihova
-
Na‘e fakatokanga‘i ‘e Sētane ‘a e anga-tonu ‘a Siopé. Na‘e ‘ikai ke ne faka‘ikai‘i ‘a e talangofua ‘a Siope kia Sihová; ‘i hono kehé na‘á ne fehu‘ia ‘a e fakaue‘iloto ‘a Siopé
-
Na‘e taukave‘i ‘e Sētane na‘e tauhi pē ‘a Siope kia Sihova ‘i ha ‘uhinga siokita
-
Ke tali ‘a e tukuaki‘i ‘a Sētané, na‘e faka‘atā ‘e Sihova ‘a Sētane ke ne ‘ohofi ‘a e tangata faitōnunga ko iá. Na‘e uesia ‘e Sētane ‘a e me‘a kotoa pē ‘i he mo‘ui ‘a Siopé
-
‘I he taimi na‘e tauhi ma‘u ai ‘e Siope ‘ene anga-tonú, na‘e fehu‘ia ‘e Sētane ‘a e anga-tonu ‘a e fa‘ahinga kotoa ‘o e tangatá
-
Na‘e ‘ikai ke faiangahala ‘a Siope pe tukuaki‘i ‘a e ‘Otuá ki ha‘ane fai ha fehālaaki
