TOKANGATAHA KI HE NGĀUE FAKAMALANGÁ
Fakalelei‘i ‘Etau Pōto‘i ‘i he Ngāue Fakafaifekaú—Fa‘u Pē Ha‘o Tu‘uaki ki he Makasiní
‘UHINGA ‘OKU MAHU‘INGA AÍ: Neongo ko e sīpinga tu‘uaki ‘oku hā ‘i he polokalama ngāue ki he fakatahá ‘okú ne ‘omai ha ngaahi fakakaukau ‘aonga, ka ‘oku fakahaa‘i faingofua ia. ‘Oku totonu ke ke ngāue‘aki ho‘o lea pē ‘a‘au. Te ke fai nai ha fakalea kehe pe ‘okú ke ongo‘i ‘oku fakamānako ange ha kaveinga ‘i he feitu‘u fakalotofonuá. Kapau ko ia, hili ho‘o lau ‘a e makasiní, fakakaukau ki he sīpinga tu‘uakí, pea sio ‘i he fo‘i vitiō tu‘uakí, ‘e lava ke ke ngāue‘aki ‘a e ngaahi tokoni ko ení ke fa‘u ha‘o tu‘uaki pē ‘a‘au.
FOUNGA HONO FAI IÁ:
‘Eke hifo kiate koe, ‘‘Oku ou loto ke ngāue‘aki ha taha ‘o e sīpinga tu‘uakí?’
‘IO
-
Teuteu ha‘o lea kamata. Hili hono fai ha lea fakafe‘iloaki anga-maheni, fakahaa‘i mahino e ‘uhinga ho‘o ‘a‘ahí. (Fakatātā: “‘Oku ou ‘i hení koe‘uhí . . . ”)
-
Fakakaukau ki he anga ho‘o liliu ha fehu‘i, konga Tohi Tapu pea tu‘uaki. (Fakatātā: Ke fakahaa‘i ha konga Tohi Tapu, te ke pehē nai: “Ko ha tali fakafiemālie ki he fehu‘i ko iá ‘oku lava ke ma‘u ia heni.”)
‘IKAI
-
Fili ha kaveinga mei he makasini ‘okú ke mahu‘inga‘ia aí mo fakamānako ‘i ho feitu‘u ngāué
-
Fakakaukau‘i ha fehu‘i fakatupu fakakaukau ke ne fakatupulekina ‘a e fakakaukaú mo e fetalanoa‘akí kae ‘ikai fakamaa‘i ‘a e tokotaha-‘apí. (Fakatātā: Ko e ngaahi fehu‘i ‘oku hā ‘i he peesi 2 ‘o e makasiní.)
-
Fili ha konga Tohi Tapu ke lau.
-
Fa‘u ha sētesi ‘e taha pe ua ‘oku fakamatala ai ki he tokotaha-‘apí ‘a e founga ‘o ‘ene ma‘u ‘aonga mei hono lau ‘a e kupú
‘I HA TU‘UNGA PĒ
-
Teuteu ha fehu‘i ke tali ki he toe ‘a‘ahí
-
Hiki ha ki‘i nouti ke tokoni atu ke ke manatu‘i ‘a e me‘a ‘okú ke loto ke lea‘aki ki he taimi hono hokó
