‘I he fai ha ngaahi toe ‘a‘ahi pe fakahoko ha ako Tohi Tapu, ‘oku fiema‘u ke tau tokoni‘i ‘etau kau fanongó ke nau mahino‘i ‘a e ngaahi poini tefitó. ‘I hono fakatātaa‘i ‘a e ngaahi poini ko ení ‘oku lava ai ke ue‘i honau lotó pea tokoni‘i kinautolu ke manatu‘i ‘a e ngaahi poini ko iá.

‘I ho‘o teuteu ki ha toe ‘a‘ahi pe ako Tohi Tapú, filifili ‘a e ngaahi poini tefito ‘okú ke loto ke fakatātaa‘í ‘o ‘ikai ko e ngaahi fakaikiikí. Ngāue‘aki leva ‘a e ngaahi fakatātā faingofua ‘o makatu‘unga ‘i he mo‘ui faka‘ahó. (Māt. 5:14-16; Mk. 2:21; Luke 14:7-11) Fakapapau‘i ke fakakaukau ki he puipuitu‘a mo e ngāue faka‘aho ‘a e tokotaha te ke lea ki aí. (Luke 5:2-11; Sione 4:7-15) ‘I ho‘o sio ki he‘ene fiefia koe‘uhí ko ‘ene mahino‘i ‘a e poiní te ke toe fiefia foki.

SIO ‘I HE VITIŌ HOKOSIA ‘A E FIEFIA ‘I HE NGAOHI ĀKONGÁ​—FAKALELEI‘I HO‘O PŌTO‘Í​—FAKATĀTAA‘I ‘A E POINI TEFITÓ, PEA TALI LEVA ‘A E NGAAHI FEHU‘I KO ENÍ:

• Ko e hā ‘oku fiema‘u ai ‘e he kau akó ha tokoni ke mahino‘i ha veesi Tohi Tapu?

• Ko e hā ‘a e fakatātā na‘e ngāue‘aki ‘e Nita ke ako‘i ‘a e poini tefito ‘i he Loma 5:12?

• Ko e hā ‘a e ‘aonga hono ngāue‘aki ‘a e ngaahi fakatātā ola leleí?

• ‘I he‘etau ngāue fakafaifekaú ko e hā ‘oku totonu ke tau ngāue‘aki ai ‘a e ‘ū vitioó mo e ngaahi me‘angāue fakafaiako kehe ‘oku tokonaki mai ‘e he kautaha ‘a Sihová?