‘I he‘etau kātekina ‘a e faka‘osi‘osi ‘o e “ngaahi ‘aho faka‘osí,” ‘oku tau ‘amanekina ‘e toe fakautuutu ke lahi ange ‘a e ngaahi faingata‘á. (2 Tīm. 3:1; “mamahi” nouti ako ‘i he nwtsty ‘o e Māt. 24:8) ‘I he hoko ha fakatamakí, ‘oku fa‘a ma‘u ‘e he kakai ‘a Sihová ‘a e ngaahi fakahinohino fakaefakahaofi ‘i he taimi totonu. Ko ‘etau talangofua ‘o mateuteu fakalaumālie mo fakaesinó ‘i he taimi ní ‘e makatu‘unga mei ai ‘etau hao mo‘ui ‘i he kaha‘ú.​—Luke 16:10.

• Tokateu fakalaumālie: Fakatupulekina ha taimi-tēpile tu‘uma‘u ‘o e lau Tohi Tapú mo e ako fakafo‘ituituí. Ako ‘a e ngaahi founga kehekehe ‘o e ngāue fakamalangá. ‘Oua ‘e hoha‘a kapau ‘e fakamavahe‘i koe mei he toenga ‘o e fakataha‘angá. (‘Ai. 30:15) ‘Oku ‘ikai ‘aupito ke fakamavahe‘i koe meia Sihova mo Sīsū.​—od 176 ¶15-17

• Tokateu fakaesino: Tānaki atu ki he kato fetukutukú, ko e fāmili taki taha ‘oku totonu ke ‘i ai ha‘anau me‘akai fe‘unga, hina vai, naunau fakafaito‘o mo e alā me‘a pehē telia na‘a fiema‘u ke nofo ma‘u ‘i ha feitu‘u ‘i ha vaha‘a taimi lōloa.​—Pal. 22:3; g 10/07 7

SIO ‘I HE VITIŌ ‘OKÚ KE MATEUTEU KI HA FAKATAMAKI FAKANATULA? PEA TALI LEVA ‘A E NGAAHI FEHU‘I KO ENÍ:

• ‘E lava fēfē ke tau mateuteu fakalaumālie ‘i he hoko ha fakatamaki?

• Ko e hā ‘oku mahu‘inga ai ke tau . . .

  • tauhi ma‘u ha fetu‘utaki lelei mo e kau mātu‘a?

  • tokateu ha kato naunau tokoni fakavavevave?

  • lāulea ki he fa‘ahinga fakatamaki nai ‘e hokó pea mo e me‘a te ke fai ‘i he ngaahi tu‘unga taki taha?

• Ko e hā ‘a e founga ‘e tolu ‘e lava ke tau tokoni ai ki he ni‘ihi kehé ‘i he hoko ha fakatamaki kiate kinautolú?

‘EKE HIFO, ‘Ko e hā ‘a e ngaahi lēsoni kuó u ako mei he mahaki faka‘auha COVID-19 ‘o fekau‘aki mo e mahu‘inga ‘o e mateuteú?’