‘Oku fiema‘u ki he kau Kalisitiane kotoa pē ke nau mapule‘i-kita ‘i hono ngāue‘aki ‘a e ‘olokaholó. (Pal. 23:20, 29-35; 1 Kol. 6:9, 10) Kapau ‘oku fili ‘e ha Kalisitiane ke inu ‘olokaholo, kuo pau ke ne inu fakafe‘unga pē. Kuo pau foki ke ne faka‘ehi‘ehi mei he hoko ‘o ma‘unimā ‘e he ‘olokaholó pea ‘oua ‘e fakatūkia‘i ‘a e ni‘ihi kehé. (1 Kol. 10:23, 24; 1 Tīm. 5:23) ‘Oku ‘ikai ‘aupito totonu ke tau tenge ha taha tautefito ki he to‘utupú ke nau inu ‘olokaholo.

SIO ‘I HE VITIŌ TALANOA TĀ FAKATĀTĀ ‘ULUAKI FAKAKAUKAU PE TE KE INU, PEA TALI LEVA ‘A E NGAAHI FEHU‘I KO ENÍ:

• Ko e hā kuo pau ai ki he kotoa ‘a e kau Kalisitiané ke nau talangofua ki he ngaahi lao fekau‘aki mo e inu ‘olokaholó?​—Loma 13:1-4

• Ko e hā ‘oku ‘ikai totonu ai ke tau faka‘atā ‘a e ni‘ihi kehé ke tenge kitautolu ke inu ‘olokaholó?​—Loma 6:16

• ‘E lava fēfē ke tau faka‘ehi‘ehi mei he ngaahi tu‘unga fakatu‘utāmaki ‘i he fekau‘aki mo e ‘olokaholó?