Ko ‘etau faivelengá ‘e tokoni‘i ai ‘a e kakaí ke nau tokanga lahi ange ki he me‘a ‘oku tau lea‘akí. ‘Oku toe fakahaa‘i foki ‘oku tau fakamahu‘inga‘i ‘etau pōpoakí. ‘E lava ke tau fakatupulekina ‘a e faivelengá ‘o tatau ai pē pe ko e hā ‘a e anga-fakafonua pe anga‘itangata ‘oku tau ma‘ú. (Loma 12:11) Kae anga-fēfē?

‘Uluakí, fakakaukau ki he mahu‘inga ‘a ho‘o pōpoakí. ‘Okú ke ma‘u ‘a e ngafa makehe ke “talaki ‘a e ongoongo lelei ‘o e ngaahi me‘a leleí!” (Loma 10:15) Uá, fakalaulauloto ki he anga hono tokoni‘i ‘e he ongoongo leleí ‘a e founga mo‘ui ‘a ho‘o kau fanongó ke toe lelei ange. ‘Oku nau mātu‘aki fiema‘u ke fanongo ki he me‘a te ke lea‘akí. (Loma 10:13, 14) Faka‘osí, lea ‘i he loto-māfana, ‘ai ke fakanatula ‘a e ngaue ho sinó pea ‘ai ke hā mei ho matá ‘a e loto-mo‘oni.

SIO ‘I HE VITIŌ HOKOSIA ‘A E FIEFIA ‘I HE NGAOHI ĀKONGÁ​—FAKALELEI‘I HO‘O PŌTO‘Í​—FAIAKO FAKATAHA MO E FAIVELENGA, PEA TALI LEVA ‘A E NGAAHI FEHU‘I KO ENÍ:

• Ko e hā na‘e mole ai ‘a e faivelenga ‘a Nita ‘i he‘ene ako Tohi Tapu mo Losé?

• Ko e hā na‘á ne tokoni‘i ‘a Nita ke toe hoko ‘o faivelengá?

• Ko e hā ‘oku totonu ai ke tau tokangataha ki he ngaahi ‘ulungaanga lelei ‘o ‘etau kau fanongó?

• Ko e hā ‘a e ola ‘e ma‘u nai ‘e he‘etau kau ako Tohi Tapú mo e ni‘ihi kehé koe‘uhí ko ‘etau faivelengá?