Ko Sētane mo e faʻahinga ʻokú ne tākiekiná ʻoku nau faʻa tuifio ʻa e loí mo e moʻoní ʻi ha feinga ke fakavaivaiʻi ʻetau tuí. (2 Kol. 11:3) Ko e fakatātaá, naʻe ngāueʻaki ʻe he kau ʻAsīliá ʻa e ngaahi foʻi moʻoni fakakonga mo e ngaahi loi mataʻāʻā ke fakalotosiʻiʻi ʻa e kakai ʻa Sihová. (2 Kal. 32:10-15) ʻOku ngāueʻaki ʻe he kau tafoki ʻo fakafepaki ki he moʻoní ʻa e ngaahi founga meimei tatau ʻi he ʻahó ni. ʻOku totonu ke fēfē ʻetau fakafeangai ki he ngaahi akonaki ʻa e kau tafoki ʻo fakafepaki ki he moʻoní? Vakai ki ai ko ha meʻa ʻoku kona fakatupu mate! ʻOua ʻe lau ia, fai ha tali ki ai, pe toe fakamafola ia. ʻIloʻi vave ʻa e ngaahi fakamatala ʻoku faʻu ke ne fakatupunga ha veiveiua fekauʻaki mo Sihova pea mo ʻene kautahá​—pea talitekeʻi ia!​—Sute 3, 4.

SIO ʻI HE VITIŌ “FAITAU MĀLOHI MAʻÁ E TUÍ”!​—KONGA, PEA TALI LEVA ʻA E ONGO FEHUʻI KO ENÍ:

• Ko e hā e ʻuhinga ʻoku fiemaʻu ai ke tau tokanga kapau ʻoku tau ngāueʻaki ʻa e ngaahi uepisaiti felāfoaki ʻi he ʻInitanetí?

  Ko Hoʻo Talí

• ʻE lava fēfē ke tau muimui ʻi he faleʻi ʻoku ʻomai ʻi he Loma 16:17?

  Ko Hoʻo Talí