ʻOku ʻuhinga ki he hā ʻa e hiki-leʻo ʻo e Tohi Tapú? Ko ha hiki-leʻo ia ʻo e Liliu Tohi Tapu Māmani Foʻoú. ʻOku tuku ange fakakongokonga atu ʻa e tohi taki taha ʻi he ngaahi lea lahi ʻi heʻene kakató. Ko e tafaʻaki mahuʻinga ʻe taha ʻi he hiki-leʻo ʻo e Tohi Tapú ko hono ngāueʻaki ko ia ʻa e ngaahi leʻo kehekehe ki he tokotaha taki taha ʻi he Tohi Tapú. Ko e ngaahi leá ʻoku lau fakataha ia mo e fakamamafa totonu mo e ongoʻi ke fakahaaʻi tonu mātē ʻa e pōpoaki ʻo e Tohi Tapú.

ʻOku anga-fēfē ʻa e maʻu ʻaonga ʻa e niʻihi mei he hiki-leʻo ʻo e Tohi Tapú? ʻOku saiʻia ʻa e tokolahi ke fanongo maʻu pē ki he hiki-leʻo ʻo e Tohi Tapú he ʻokú ne ʻai ke moʻui ʻa e Folofola ʻa e ʻOtuá. ʻI heʻenau fanongo ki he ngaahi leʻo kehekehe ʻokú ne fakafofongaʻi ha tokotaha ʻi he Tohi Tapú, ʻoku toe lelei ange ai ʻenau sioloto atu ki he ngaahi meʻa naʻe hoko ʻi he Tohi Tapú pea mahinoʻi māʻalaʻala ange ai ʻa e meʻa ʻoku hikí. (Pal. 4:5) ʻOku ʻiloʻi foki ʻe he tokolahi ko e fanongo ki he hiki-leʻo ʻo e Tohi Tapú ʻokú ne fakanonga kinautolu ʻi he taimi ʻoku nau loto-moʻua aí.​—Saame 94:19.

Ko e fanongo ki hono lau leʻo lahi ʻa e Folofola ʻa e ʻOtuá ʻoku ʻi ai ʻene tākiekina mālohi ʻi heʻetau moʻuí. (2 Kal. 34:19-21) Kapau ʻoku ala maʻu ʻa e hiki-leʻo ʻo e Tohi Tapú kakato pe ʻi hano konga ʻi ha lea ʻokú ke mahinoʻi, ʻe lava ke ke ʻai ia ko ha konga tuʻumaʻu hoʻo taimi-tēpile fakalaumālié ke fanongo ki ai?

SIO ʻI HE VITIŌ ANGA HONO FAʻU ʻA E HIKI-LEʻO ʻO E TOHI TAPÚ​—KONGA, PEA TALI LEVA ʻA E FEHUʻI KO ENÍ:

Ko e hā ʻoku maongo kiate koe ʻi he anga hono faʻu ʻa e hiki-leʻo ʻo e Tohi Tapú?