‘Oku faingofua nai ke tau fakakaukau ki he ngaahi ‘aho ‘o e kei talavoú ‘e hokohoko atu pē ia pea he‘ikai ‘aupito ke tau hokosia ha ‘gaahi aho kovi’ ‘o e ta‘umotu‘á ‘i he māmani ‘o Sētané. (Koh. 12:1) Kapau ko ha to‘utupu koe, ‘okú ke fakakaukau nai ‘oku lahi fau ho taimí ke tuli ai ki he ngaahi taumu‘a fakalaumālié hangē ko e hoko ko ha faifekau ngāue taimi-kakato?

“‘Oku hokonoa . . . ‘a e faingamalie mo e tu‘utamaki” ki he kotoa ‘o kitautolu, kau ai ‘a e fa‘ahinga ‘oku nau kei talavoú. (Koh. 9:11) “‘Oku ‘ikai te mou ‘ilo pe ‘e fēfē ho‘omou mo‘uí ‘apongipongi.” (Sēm. 4:14) Ko ia ai, ‘oua ‘e tukunoa‘i ‘a e ngaahi me‘a fakalaumālié. Hū ‘i he “matapā lahi ‘oku hu‘u atu ki he ngāué” lolotonga ‘ene kei ‘atā atu kiate koé. (1 Kol. 16:9) ‘E ‘ikai te ke faka‘ise‘isa ai.

• Malanga ‘i ha lea kehe

• Ngāue tāimu‘a

• Kau ki he ngaahi ako‘anga fakateokalati

• Ngāue langa

• Ngāue Pēteli

• Ngāue fakasēketi