Fehu‘i: Kapau ‘e ‘eke atu ‘e ha taha ko e feitu‘u fēfē ‘a hēvani, ko e hā ha‘o tali?

Konga Tohi Tapu: Sione 8:23

Tu‘uaki: Ko e ‘īsiu ko eni ‘o e Taua Le‘o ‘oku lāulea ai ki he me‘a ‘oku fakahaa‘i mai ‘e Sīsū mo ‘ene Tamaí ‘o fekau‘aki mo hēvaní.

Fehu‘i: ‘Okú ke loto-tatau ko e kikite Fakatohitapu ko ení ‘oku hoko mo‘oni ia ‘i hotau ‘ahó ni?

Konga Tohi Tapu: 2 Tīm. 3:1-5

Mo‘oni: Ko e ngaahi kikite ‘i he Tohi Tapú ‘o kau ki he ngaahi ‘aho faka‘osí ‘oku hoko ia ‘i he taimí ni, ‘oku lava ai ke tau falala ko e kikite fekau‘aki mo ha kaha‘u lelei angé ‘e fakahoko.

Talateu: ‘Oku mau hulu‘i ki he kakaí ha vitiō nounou ‘oku fakamatala ai pe te tau ma‘u mei fē ‘a e tali ki he ngaahi fehu‘i lalahi ‘i he mo‘uí. [Hulu‘i ‘a e vitiō.]

Tu‘uaki: ‘Oku fakahaa‘i ‘i he tohi ko ení ‘a e me‘a ‘oku lea‘aki ‘e he Tohi Tapú ki he founga ‘e fakalelei‘i ai ‘e he ‘Otuá ‘a e palopalema ‘i he māmaní. [Tu‘uaki ‘a e tohi Ako‘i ‘e he Tohi Tapú pe tohi Teach Us.]