‘UHINGA ‘OKU MAHU‘INGA AÍ: Ko ha founga mahu‘inga ke “faifakamo‘oni faka‘āuliliki ki he ongoongo lelei” ‘a e faifakamo‘oni ‘i he telefoní. (Ngā. 20:24) * ‘Oku lava ai ke tau faifakamo‘oni ki ha taha ‘i he taimi ‘oku ‘ikai lava ai ke tau ‘a‘ahi tonu kiate iá.

FOUNGA HONO FAI IÁ:

• Teuteu. Fili ha kaveinga ‘oku fe‘ungamālie. Hiki leva ha nouti ki he me‘a te ke loto ke lea‘akí. Te ke lava nai ‘o teuteu foki ha pōpoaki nounou ke fakamatala‘i ‘a e taumu‘a ho‘o tā atú kapau ‘e tali mīsini. ‘Oku lelei tahá ke ke ‘i ha tēpile fakataha mo ho noutí mo e ngaahi me‘a kehe te ke fiema‘u, hangē ko ha me‘angāue faka‘ilekitulōnika ke ngāue‘aki ‘a e JW Library^® pe jw.org^®

• Fiemālie. Lea ‘i ha founga fakanatula. Malimali pea ngaue ho sinó ‘o hangē pē ‘okú ne sio maí. Faka‘ehi‘ehi mei he fakalongolongo ta‘e‘uhingá. ‘Oku lelei ke ngāue fakataha mo e ni‘ihi kehé. Kapau ‘e ‘eke ‘e he tokotaha-‘apí ha fehu‘i, toe lea‘aki le‘o-lahi ia ke fanongo ki ai ho‘o hoa ngāué pea ‘e lava ke ne tokoni atu ke kumi ki he talí

• Fakatoka ha makatu‘unga ki ha toe ‘a‘ahi. Kapau ‘oku fakahaa‘i ‘e he tokotaha-‘apí ‘a e mahu‘inga‘ia, ‘e lava ke ke tuku ha fehu‘i ke toki tali ‘i ho tā telefoni hokó. ‘E lava nai ke ke kole ange ke ‘īmeili, tiliva fakahangatonu pe meili atu ha tohi kiate ia tonu. Pe ‘e lava ke ke kole ange ke ‘oatu ha link ki ha taha ‘o ‘etau ‘ū vitioó, kupu pe ko ha me‘a kehe mei he‘etau uepisaití