Naʻe fakahaaʻi ʻe Sīsū ko e nima-homó ʻoku lava ke ne ueʻi ʻa e niʻihi kehé ke nau fai ʻa e meʻa tatau. (Luke 6:38) Ko hoʻo hanganaki foakí ʻoku ne ueʻi ho fanga tokouá mo e fanga tuofāfiné ke nau anga-lelei mo nima-homo.

Ko e foaki fiefiá ko e konga ia ʻetau lotú. ʻOku fakatokangaʻi ʻe Sihova ʻa e faʻahinga ʻoku nau fakahāhā ʻa e nima-homo ki honau kaungā-Kalisitiane ʻoku fiemaʻu tokoní, pea talaʻofa te ne fakapaleʻi kinautolu.​—Pal. 19:17.

SIO ʻI HE VITIŌ ʻOKU MAU HOUNGAʻIA ʻI HOʻOMOU HANGANAKI FOAKÍ, PEA TALI LEVA ʻA E ONGO FEHUʻI KO ENÍ:

• Kuo anga-fēfē hono ngāueʻaki hoʻo ngaahi tokoní ke poupouʻi ho fanga tokouá mo e fanga tuofāfiné?

• Ko e hā ʻoku totonu ai ke tau hanganaki foakí, tatau ai pē pe ko e hā e lahi ʻetau ngaahi meʻaʻofá?​—Sio foki ki he kupu ʻi he jw.org “Fakalato ʻe he Meʻa ʻOku Hulú ʻa e Fusimoʻomó.”