ʻOku tau fakahāhā ʻa e anga-tonú ʻo ʻikai ʻi he meʻa pē ʻoku tau leaʻaki mo faí kae pehē foki ki he meʻa ʻoku tau fakakaukau ki aí. (Saame 19:14) Ko ia ai, ʻoku ekinaki mai ʻa e Tohi Tapú ke tau fakakaukau fekauʻaki mo e ngaahi meʻa ʻoku moʻoní, mafatukitukí, māʻoniʻoní, maʻá, ʻofeiná, lauʻi leleí, leleí, pea taau ke fakahīkihikiʻí. (Fil. 4:8) Ko e moʻoni, ʻoku ʻikai malava maʻu pē ke tau taʻofi ʻa e fakakaukau ki he ngaahi meʻa ʻoku halá. Kae kehe, ko e mapuleʻi-kitá ʻe lava ke ne tokoniʻi kitautolu ke talitekeʻi ʻa e fakakaukau ʻikai leleí kae fetongi ia ʻaki ʻa e meʻa ʻoku tāú. Ko e tauhi maʻu ʻa e anga-tonu ʻi heʻetau fakakaukaú te ne tokoniʻi kitautolu ke tauhi maʻu ʻa e anga-tonu ʻi heʻetau ngaahi tōʻongá.—Mk. 7:​21-23.

ʻI lalo ʻi he konga Tohi Tapu taki taha, tohiʻi hifo ʻa e faʻahinga fakakaukau ʻoku totonu ke tau fakaʻehiʻehi mei aí:

Loma 12:3

Luke 12:15

Māt. 5:28

Fil. 3:13