‘I he 2 Kolinitō 9:7, ‘oku tala mai ai: “Tuku ki he tokotaha taki taha ke ne fai ‘a e me‘a tofu pē ko ia kuó ne fakapapau‘i ‘i hono lotó, ‘o ‘ikai ‘i he ta‘efiefoaki pe ‘i hono kouna‘i, he ‘oku ‘ofa ‘a e ‘Otuá ‘i ha tokotaha foaki fiefia.” ‘I he ‘ahó ni ‘oku lahi ‘a e ngaahi founga ‘oku fe‘ungamālie ke fai ai ha tokoni fakapa‘anga ‘i he ‘initanetí ke poupou‘i ‘a e ngāue ‘a e Kau Fakamo‘oni ‘a Sihová, fakalotofonua pea ‘i māmani lahi.

SIO ‘I HE VITIŌ FOUNGA KI HONO FAI ‘O E TOKONI FAKAPA‘ANGA FAKA‘ILEKITULŌNIKA, PEA TALI LEVA ‘A E NGAAHI FEHU‘I KO ENÍ:

• ‘E lava fēfē ke tau hū ki he peesi fakamatala ki he tokoní ke ‘ilo‘i ‘a e ngaahi founga tokoni ‘e ala ngāue‘aki ‘i hotau fonuá?

• Kuo anga-fēfē ‘a e ma‘u ‘aonga ‘a e ni‘ihi mei hono fai ‘a e ngaahi founga tokoni faka‘ilekitulōniká?

• Ko e hā ‘a e ni‘ihi ‘o e ngaahi founga tokoní?

• Ko e hā ‘e lava ke tau faí kapau ‘oku ‘ikai ke tau mahino‘i ‘a e founga ke ngāue‘aki ai ‘a e founga tokoni faka‘ilekitulōnika fo‘ou ko ení?