Ko Sihova ia ʻokú ne tō ʻa e tenga ʻo e moʻoní pea ʻai ke tupu ia ʻi ha loto ʻo ha tokotaha. (1 Kol. 3:6-9) Ko ia ai, ke lavameʻa ʻi he ngāue fakamalangá kuo pau ke tau falala kia Sihova te ne tokoniʻi kitautolu pea mo ʻetau kau ako Tohi Tapú.

Kole kia Sihova ke tokoniʻi hoʻo kau akó ke kātekina ʻa e ngaahi tengé pea ikuʻi ʻa e ngaahi polé. (Fil. 1:9, 10) Fakahaaʻi kiate ia ʻa e ngaahi meʻa pau. Lotu ʻo kole ʻa e laumālie māʻoniʻoní ke ne tataki koe ʻi hoʻo ngaahi fakakaukaú mo e ngāué. (Luke 11:13) Akoʻi hoʻo kau ako Tohi Tapú ki he founga ke nau fai ai ʻa e lotú pea fakaʻaiʻai kinautolu ke fai ia. Lotu fakataha mo kinautolu pea lotu maʻa hoʻo kau ako Tohi Tapú ʻo ngāueʻaki honau hingoá.

SIO ʻI HE VITIŌ HOKOSIA ʻA E FIEFIA ʻI HE NGAOHI ĀKONGÁ​—TALI ʻA E TOKONI ʻA SIHOVÁ​—LOTU, PEA TALI LEVA ʻA E NGAAHI FEHUʻI KO ENÍ:

• Ko e hā ʻa e pole naʻe fehangahangai mo Nita ʻi heʻene ako mo Losé?

• Naʻe anga-fēfē hono tokoniʻi ʻa Nita ʻe he 1 Kolinitō 3:6?

• ʻI he founga fē naʻe fakaleleiʻi ai ʻa e palopalema ʻa Nitá?