• Saame 108:9—ʻOku ʻuhinga nai ki he hā hono fakahoa ʻa Mōape ki he ‘pēsoni fanofano’ ʻa e ʻOtuá? (it-2-E 420 ¶4)

  Ko hoʻo talí

• Ko e hā ʻa e makakoloa fakalaumālie naʻá ke ako mei he lau Tohi Tapu ʻo e uike ní?

  Ko hoʻo talí

Hili hono fakahaofi ʻe Sihova ʻa e kau ʻIsileli ilifiá mei he kau tau ʻIsipite mālohí ʻi he Tahi Kulokulá, naʻe hivaʻi ʻe heʻene kakai houngaʻiá ha hiva. (ʻEki. 15:​1-19) Naʻe takimuʻa ʻa e kau tangatá ʻi hono hivaʻi ʻa e hiva foʻou ko ení. (ʻEki. 15:21) Naʻe hiva fakahīkihiki foki ʻa Sīsū mo e muʻaki kau Kalisitiané ki he ʻOtuá. (Māt. 26:30; Kol. 3:16) ʻOku tau fakahaaʻi ʻetau houngaʻia kia Sihová ʻaki ʻa e kau ki he hiva ʻi he ngaahi fakataha ʻa e fakatahaʻangá, ʻasemipilií, mo e fakataha-lahí. Ko e fakatātaá, ko e hiva naʻa tau toki hivaʻí, “ʻOku Mau Fakamālō Kiate Koe, Sihova,” kuo hivaʻi ia ʻi heʻetau ngaahi fakatahá talu mei he 1966.

ʻI he ngaahi anga fakafonua ʻe niʻihi, ʻoku mā ʻa e kakai tangatá ke hiva ʻi he feituʻu kakaí. ʻOku toumoua leva ʻa e niʻihi ke hiva koeʻuhí ʻoku nau ongoʻi ʻoku ʻikai ke nau leʻo lelei. Neongo ia, ʻoku totonu ke tau manatuʻi ko e hiva ʻi heʻetau ngaahi fakatahá ko e konga ia ʻo ʻetau lotú. Kuo ngāue lahi ʻa e kautaha ʻa Sihová ke faʻu ʻa e ngaahi hiva fakaʻofoʻofa pea fili ʻa e ngaahi hiva ʻoku feʻungamālie ke hivaʻi ʻi he fakataha taki taha. ʻOku tau maʻu ʻe kitautolu ʻa e konga faingofua tahá—ko e hiva fakataha ke fakahaaʻi ʻetau ʻofa māfana mo e houngaʻia ki heʻetau Tamai fakahēvaní.

Huluʻi ʻa e VITIŌ Laka ki Muʻa ʻEtau Kautahá—Ko e Meʻaʻofa ʻo e Hivá, Konga 2. ʻEke leva ki he kau fanongó:

• Ko e hā ʻa e meʻa fakaofo naʻe hoko ʻi he 1944?

  Ko hoʻo talí

• Naʻe anga-fēfē hono fakahaaʻi ʻe hotau fanga tokoua ʻi Saipīliá ʻenau houngaʻia ʻi hono hivaʻi ʻa e ngaahi hiva ʻo e Puleʻangá?

  Ko hoʻo talí

• Ko e hā ʻoku mātuʻaki mahuʻinga ai ʻa e hivá ki he Kau Fakamoʻoni ʻa Sihová?

  Ko hoʻo talí