Ko e ngaahi tali fakalototo‘á ‘oku langa hake ai ‘a e fakataha‘angá. (Loma 14:19) ‘Oku nau toe ma‘u ‘aonga mei he fa‘ahinga ‘oku nau fai iá. (Pal. 15:23, 28) Ko ia ai, ‘oku totonu ke tau feinga ke fai ha tali na‘a mo ha fo‘i tali ‘e taha ‘i he fakataha taki taha. Ko e mo‘oni, he‘ikai ke tau tali ma‘u pē ‘i he taimi kotoa pē ‘oku hiki ai hotau nimá. Ko ia ai, ko e lelei tahá ke teuteu ke lahi ‘etau talí.

• faingofua, mahino mo nounou. ‘I he tu‘unga anga-mahení, ‘oku lava ke fai ia ‘i ha sekoni ‘e 30 pe si‘i ai

• ‘oku lelei tahá ke fai ia ‘i he lea pē ‘a‘au

• ‘oku ‘ikai toe ‘ohake ha poini tatau

• fai ha tali faingofua mo hangatonu ki he fehu‘í

• fakahaa‘i ‘a e kaunga ‘o ha konga Tohi Tapu ki he poini ‘oku fai ki ai e lāuleá

• lave ki he anga ‘ene kaunga ki he‘etau mo‘uí

• fakamatala ki he founga ‘e lava ke ngāue‘aki ai ‘a e fakamatalá

• lave nounou ki ha hokosia ‘oku fakahaa‘i ai ‘a e poini tefitó