Fehu‘i: ‘Oku fakakaukau ‘a e ni‘ihi ko e Pule‘anga ‘o e ‘Otuá ko ha me‘a ‘i he loto ‘o ha taha; ‘oku pehē ‘e he ni‘ihi ko e ola ia ‘a e feinga ‘o e tangatá ke melino ‘a e māmaní. Ko e hā nai ho‘o fakakaukaú?

Konga Tohi Tapu: Tan. 2:44

Tu‘uaki: Fakatatau ki he Tohi Tapú ko e Pule‘anga ‘o e ‘Otuá ko ha founga-pule mo‘oni ia. ‘Oku fakamatala ‘a e kupu ko ení ki he ngaahi me‘a ‘oku tala mai ‘e he Tohi Tapú fekau‘aki mo e Pule‘anga ‘o e ‘Otuá.

Fehu‘i: Ko e hā ‘oku hoko ‘i he taimi ‘oku tau mate aí?

Konga Tohi Tapu: Sione 11:11-14

Mo‘oni: ‘I he mate ha taha ko e ngata ia ‘ene mo‘uí. Ko ia ‘oku ‘ikai fiema‘u ke tau ilifia ki ha mo‘ui hili ‘a e maté. Na‘e fakahoa ‘e Sīsū ‘a e maté ki he mohe. Hangē pē ko ia na‘á ne fai kia Lāsalosí, ‘e “fafangu” ‘e Sīsū hotau ngaahi ‘ofa‘anga kuo maté ke nau toe mo‘ui fiefia ‘i māmani.—Siope 14:14.

Tu‘uaki: ‘Oku ou fiefia ke fakaafe‘i koe ki ha malanga Fakatohitapu ta‘etotongi. ‘E fai ia ki he‘emau Fale Fakataha‘angá, ko homau feitu‘u fai‘anga lotú ia. [Tu‘uaki ‘a e tohi fakaafé, lave ki he taimí mo e feitu‘u fai‘anga fakataha ‘i he faka‘osinga ‘o e uiké pea lave ki he kaveinga ‘o e malanga ma‘á e kakaí.]

Fehu‘i: Kuó ke ‘osi ‘alu ki ha Fale Fakataha‘anga? [Kapau ‘oku faingamālie hulu‘i ‘a e vitiō Ko e Hā ‘Oku Fai ‘i ha Fale Fakataha‘anga?]