‘UHINGA ‘OKU MAHU‘INGA AÍ: ‘I he pō ki mu‘a ke ne pekiá, na‘e lotu ‘a Sīsū ke hoko ‘ene kau ākongá “‘o fā‘ūtaha kakato.” (Sione 17:23) Ke hanganaki fā‘ūtahá, kuo pau ke tau fakahāhā ‘a e ‘ofá, ‘a ‘ia “‘oku ‘ikai te ne hanganaki fakalau ‘a e koví.”—1 Kol. 13:5.

FOUNGA HONO FAI IÁ:

• Fa‘ifa‘itaki kia Sihova ‘aki ‘a e vakai ki he lelei ‘i he ni‘ihi kehé

• Fakamolemole‘i loto-lelei

• Hili hono fakalelei‘i ‘o ha me‘a, ‘oua ‘e toe ‘ohake ia.—Pal. 17:9

SIO ‘I HE VITIŌ “MA‘U ‘A E ‘OFÁ ‘I HOMOU LOTOLOTONGÁ”—‘OUA ‘E HANGANAKI FAKALAU E KOVÍ, PEA TALI LEVA ‘A E NGAAHI FEHU‘I KO ENÍ:

• ‘I he ‘uluaki konga ‘o e vitioó, na‘e anga-fēfē hono fakahaa‘i ‘e Hēleni na‘á ne ‘hanganaki fakalau ‘a e koví’?

• ‘I he konga hono ua ‘o e vitioó, na‘e anga-fēfē hono iku‘i ‘e Hēleni ‘ene fakakaukau ‘ikai leleí pea fakatupulekina ha fakakaukau lelei?

• ‘I he faai mai e taimí, na‘e anga-fēfē ‘a e tokoni ‘a Hēleni ki he fā‘ūtaha ‘a e fakataha‘angá?