Ko hono langa ‘a e temipale ‘i ‘Isilelí na‘e lahi ‘a e ngāue ki aí mo e fakamolé. Kae kehe, na‘e poupou faivelenga ‘a e kau ‘Isilelí ki he ngāue ko iá. (1 Kal. 29:2-9; 2 Kal. 6:7, 8) Hili hono langa ‘o e temipalé, ko hono tauhi ia ke ‘i he tu‘unga lelei ‘e he kau ‘Isilelí na‘e tapua atu ai honau tu‘unga fakalaumālié. (2 Tu‘i 22:3-6; 2 Kal. 28:24; 29:3) ‘I he ‘ahó ni, ‘oku tuku ‘e he kau Kalisitiane ‘a e taimi mo e ivi lahi ki hono langa, fakama‘a mo tauhi ke ‘i he tu‘unga lelei ‘a e ngaahi Fale Fakataha‘angá mo e Holo ‘Asemipilií. Kae kehe, ko e ngāue fakataha mo Sihova ‘i he founga ko ení ko ha monū lahi ia pea ko e konga ia ‘o ‘etau ngāue toputapú.—Saame 127:1; Fkh. 7:15.

• Fakama‘a ia ‘i he hili ‘a e fakataha kotoa pē. Kapau ‘oku fakangatangata ho tu‘ungá, hiko ‘a e veve ‘okú ke ofi ki aí.

• Kau ki hono fakama‘a ma‘u pē mo tauhi ‘a e Fale Fakataha‘angá ke ‘i he tu‘unga lelei. Ko e lahi ange ‘a e kau ki aí ‘e fakafiefia mo faingofua ange.—lv 92-93 ¶18.

• Fai ha tokoni fakapa‘anga. Na‘a mo e foaki mei he lotó ha ‘ongo ki‘i fo‘i koini, ‘oku si‘isi‘i ‘aupito hona mahu‘ingá’ ‘oku hōifua ai ‘a Sihova.—Mk. 12:41-44.

• Pole ke tokoni ki hono langa mo fakalelei‘i ‘a e ngaahi langa ‘o e kautahá kapau ‘oku faka‘atā ho tu‘ungá. ‘Oku ‘ikai ko ha fiema‘u pau ke poto ‘i he langá.