‘Oku tau loto ke fu‘ifu‘i ‘a e ngaahi tenga ‘o e mo‘oní na‘a tau toó. (1 Kol. 3:6) ‘I he taimi ‘oku tau ma‘u ai ha taha ‘okú ne fakahāhā ha mahu‘inga‘ia, ‘oku lelei ke tuku ha fehu‘i ‘e lava ke tau lāulea ki ai ‘i he‘etau toe fokí. ‘E langa‘i ai ‘ene fakatu‘amelie ki ha toe fetalanoa‘aki pea ‘e fakafaingofua‘i ai ‘etau teuteu ki he toe ‘a‘ahí. ‘I he‘etau toe fokí, te tau tala ange ko ‘etau ‘i aí ke tali ‘a e fehu‘i na‘e ‘eke ‘i he‘etau ‘a‘ahi fakamuimuí.

• ‘I ho‘o teuteu ho‘o tu‘uaki fale-ki-he-falé, fakakau ai ha fehu‘i ‘e lava ke ke ‘eke ‘i he ‘a‘ahi hokó. Ko e fehu‘i ko iá ‘e lava ke ma‘u ‘a e talí ‘i he tohi ‘okú ke tu‘uakí. Pe ko ha fehu‘i ko hono talí ‘oku ma‘u ia ‘i he‘etau ‘ū tohi ako ‘okú ke fokotu‘utu‘u ke faka‘ali‘ali ki ai ‘i ho‘o toe foki atú.

• ‘I he faka‘osinga ho‘o fetalanoa‘aki mo e tokotaha mahu‘inga‘iá ‘ai ke ne ‘ilo‘i ‘okú ke fiefia ke toe talanoa mo ia ki he fehu‘i na‘á ke teuteú. ‘Eke hono tu‘asilá kapau ‘oku malava.

• Kapau te ke tala ange ki ai te ke foki atu ‘i ha taimi pau, tauhi ho‘o leá.—Māt. 5:37.