Na‘e kikite‘i ‘e he Tohi Tapú ‘e fakatanga‘i kitautolu ‘e Sētane ko e feinga ke fakafaingata‘a‘ia‘i ‘etau ngāue fakafaifekaú. (Sione 15:20; Fkh. 12:17) ‘E lava fēfē ke tau tokoni ki he kaungā Kalisitiane ‘oku nau faingata‘a‘ia hono fakatanga‘i ‘i he ngaahi fonua kehé? ‘E lava ke tau lotu ma‘a kinautolu. “Ko e hū tōtōaki ‘a ha tangata mā‘oni‘oni ‘oku mālohi mo ola lelei ia.”—Sēm. 5:16.

Ko e hā ‘oku lava ke tau lotu fekau‘aki mo iá? ‘E lava ke tau kole kia Sihova ke ‘oange ki hotau fanga tokouá mo e fanga tuofāfiné ha mālohi ke tokoni‘i kinautolu ke ‘oua ‘e manavahē. (‘Ai. 41:10-13) ‘Oku lava foki ke tau lotu ma‘á e kau ma‘u mafaí ke nau fiemālie pē fekau‘aki mo e ngāue fakamalangá, “koe‘uhi ke tau hoko atu ai ‘i ha mo‘ui nonga mo fiemālie.”—1 Tīm. 2:1, 2. 

‘I he taimi na‘e fakatanga‘i ai ‘a Paula mo Pitá ko e kau Kalisitiane ‘i he ‘uluaki senitulí na‘a nau ngāue‘aki hona hingoá ‘i he‘enau lotú. (Ngā. 12:5; Loma 15:30, 31) Neongo ‘oku ‘ikai lava ke tau ‘ilo‘i ‘a e kotoa ‘a e hingoa ‘o e fa‘ahinga ‘oku fakatanga‘i ‘i he ‘aho ní, ‘e lava ke tau lave ki he‘enau fakataha‘angá, fonuá pe feitu‘ú?