Sīpinga Fetalanoa‘aki

PLAY

●○○ ‘ULUAKI ‘A‘AHI

Fehu‘i: ‘Oku kei ‘aonga ‘a e Tohi Tapú ‘i he ‘ahó ni?

Konga Tohi Tapu: 2 Tīm. 3:16

Ki he ‘A‘ahi Hokó: Ko e hā ‘a e pōpoaki ‘a e Tohi Tapú?

○●○ ‘ULUAKI TOE ‘A‘AHI

Fehu‘i: Ko e hā ‘a e pōpoaki ‘a e Tohi Tapú?

Konga Tohi Tapu: Māt. 6:10

Ki he ‘A‘ahi Hokó: Ko e hā ‘e fai ‘e he Pule‘anga ‘o e ‘Otuá?

○○●TOE ‘A‘AHI HONO UA

Fehu‘i: Ko e hā ‘e fai ‘e he Pule‘anga ‘o e ‘Otuá?

Konga Tohi Tapu: Tan. 2:44

Ki he ‘A‘ahi Hokó: ‘E kaunga fēfē eni ki he māmaní?

Kamata ‘i he māhiná ni, ‘e ‘ikai ke toe hā ‘i he fakataha ‘i he lolotonga ‘o e uiké ‘a e ngaahi sīpinga tu‘uaki kehekehe ‘e tolú. Ka ‘e ‘i he Polokalama Ngāue ki he Fakataha Mo‘uí mo e Ngāue Fakafaifekaú ha ngaahi sīpinga fetalanoa‘aki ‘oku kau ki ai ha fehu‘i, ko ha konga Tohi Tapu, mo ha fehu‘i ki he ‘a‘ahi hono hokó ke tofa ‘a e hala ki ha toe ‘a‘ahi. Ko e fo‘i vitiō sīpinga fetalanoa‘aki pē ‘e taha ‘e hulu‘i ‘i he uike. ‘E fili ‘e he tokotaha malanga taki taha pe ko e hā ‘a e tohi mei he‘etau puha me‘angāue fakafaiakó ke ngāue‘aki ia pea mo e taimi ke ngāue‘aki ai iá—pe ‘i he ‘uluaki ‘a‘ahí pe ‘i he toe ‘a‘ahí. Tānaki atu ki ai, ‘e kau ‘i he polokalama ngāué ha ngaahi fakakaukau ki ha ongo fetalanoa‘aki ke fakahoko. ‘E tokoni eni ke fakahangataha ‘etau taumu‘á ki hono ako‘i ‘a e “fa‘ahinga kotoa pē [‘oku] hehema totonu ki he mo‘ui ta‘engatá.”—Ngā. 13:48.

Konga ‘a e Tokotaha Akó: ‘Oku totonu ki he kau akó ke nau fakahāhaa‘i ‘a e ngaahi sīpinga fetalanoa‘akí, tuku kehe ‘o ka toki ‘oatu ha fakahinohino ki ha me‘a kehe.

POLOKALAMA NGĀUE KI HE FAKATAHA MO‘UÍ MO E NGĀUE FAKAFAIFEKAÚ