‘I he Malanga ‘i he Mo‘ungá, na‘e pehē ai ‘e Sīsū: “Tuku ho‘omou loto-mo‘ua fekau‘aki mo ho‘omou mo‘uí.” (Māt. 6:25) Neongo ‘oku fakanatula pē ki he fa‘ahinga ta‘ehaohaoa ‘o e tangatá ‘oku mo‘ui ‘i he māmani ‘o Sētané ke loto-mo‘ua ‘i ha taimi, na‘e ako‘i ‘e Sīsū hono kau muimuí ke nau faka‘ehi‘ehi mei he loto-mo‘ua tōtu‘á. (Saame 13:2) Ko e hā hono ‘uhingá? Koe‘uhi ko e loto-mo‘ua ta‘etotonú, na‘a mo ‘ene fekau‘aki mo e ngaahi fiema‘u faka‘ahó, ‘oku lava ke ne fakalelu‘i kitautolu, ‘o ‘ai ke faingata‘a ange ‘etau fuofua kumi ki he Pule‘angá. (Māt. 6:33) Ko e toe ngaahi fakamatala ‘a Sīsuú te ne tokoni‘i kitautolu ke tuku ‘etau loto-mo‘ua ta‘etotonú.

• Māt. 6:26—Ko e hā ‘oku lava ke tau ako mei he sio ki he fanga manupuná? (w16.07 9-10 ¶11-13)

• Māt. 6:27—Ko e hā ‘oku fakamole taimi ai mo fakamole ivi ‘a e hoha‘a ta‘etotonú? (w05 11/1 22 ¶5)

• Māt. 6:28-30—Ko e hā ‘a e lēsoni ‘oku lava ke tau ako mei he ngaahi lile ‘o e vaó? (w16.07 10-11 ¶15-16)

• Māt. 6:31, 32—‘I he ngaahi founga fē ‘oku kehe ai ‘a e kau Kalisitiané mei he ngaahi pule‘angá? (w16.07 11 ¶17)

Ko e hā ‘a e me‘a ‘oku ou loto ke tuku ‘eku loto-mo‘ua ki aí?