‘I he Mātiu vahe 8 mo e 9 ‘oku fakamatala ai ki he ngāue fakafaifekau ‘a Sīsū ‘i he vahefonua ‘o Kālelí. ‘I hono fakamo‘ui ‘e Sīsū ‘a e kakaí, na‘á ne fakahāhā ai hono mālohí, kae mahu‘inga angé, na‘á ne fakahāhaa‘i ai ‘a ‘ene ‘ofa lahi mo ‘ene manava‘ofa ‘i he ni‘ihi kehé.

1. Na‘e fakamo‘ui ‘e Sīsū ha tokotaha kilia.—Māt. 8:1-3

2. Na‘e fakamo‘ui ‘e Sīsū ‘a e tamaio‘eiki ‘a ha ‘ōfisa fakakautau. —Māt. 8:5-13

   Na‘á ne fakamo‘ui ‘a e fa‘ē ‘a e uaifi ‘o Pitá.—Māt. 8:14, 15

   Na‘á ne kapusi ‘a e fanga tēmeniō mo fakamo‘ui ‘a e kakai na‘e faingata‘a‘iá.—Māt. 8:16, 17

3. Na‘e kapusi ‘e Sīsū ‘a e fanga tēmeniō fakamanavahē anga-kehe, ‘o ne fekau‘i kinautolu ke hū ‘i ha fanga puaka.—Māt. 8:28-32

4. Na‘e fakamo‘ui ‘e Sīsū ha tangata mamatea.—Māt. 9:1-8

   Na‘á ne fakamo‘ui ha fefine na‘á ne ala ange ki hono kofú, pea na‘á ne fokotu‘u hake ‘a e ‘ofefine ‘o Siailosí mei he maté.—Māt. 9:18-26

   Na‘á ne fakamo‘ui ‘a e kuí mo e noá.—Māt. 9:27-34

5. Na‘e fononga ‘a Sīsū ki he ngaahi kolo lalahi mo e ngaahi kolo iiki, ‘o fakamo‘ui ‘a e ngaahi mahaki kotoa pē mo e faingata‘a‘ia kotoa pē.—Māt. 9:35, 36

‘E lava fēfē ke u fakahāhā ha ‘ofa mo ha manava‘ofa lahi ange ki he fa‘ahinga takatakai ‘iate aú?