Ko e hā ʻoku totonu ai ke ke fakahaaʻi tauʻatāina hoʻo fakakaukaú ki hoʻo ongo mātuʻá? (Pal. 23:26) Koeʻuhi kuo ʻoange ʻe Sihova ʻa e fatongia kiate kinaua ke tokangaʻi mo tataki koe. (Saame 127:3, 4) ʻE faingataʻa kiate kinaua ke na tokoniʻi koe kapau te ke fūfuuʻi kotoa hoʻo ngaahi ongoʻí mo e hohaʻá. ʻIkai ko ia pē, ʻe ʻikai lava ke ke ako mei heʻena hokosia ʻaonga ʻi he moʻuí. ʻOku hala kapau heʻikai ke te fakahaaʻi kotoa ʻete fakakaukaú? ʻOku ʻikai ke pehē maʻu pē ko e meʻa mahuʻingá ke ke faitotonu.​—Pal. 3:32.

ʻE lava fēfē ke ke talanoa ki hoʻo ongo mātuʻá? Feinga ke fili ha taimi ʻe lelei kiate koe pehē foki kiate kinaua. Kapau ko ha pole ia, fai ha tohi ki ha taha ʻiate kinaua ʻo vahevahe ʻa e anga hoʻo ongoʻí. Fēfē kapau te na loto ke talanoa ki ha kaveinga ʻoku ʻikai te ke saiʻia ai? Manatuʻi ʻokú na loto moʻoni ke tokoniʻi koe. Vakai ki hoʻo ongo mātuʻá ko ho kaumeʻa ʻikai ko ho fili. Ko hoʻo feinga ke fetuʻutaki tauʻatāina mo hoʻo ongo mātuʻá ʻe ʻaonga kiate koe ʻi he kotoa hoʻo moʻuí ʻo iku ki he moʻui taʻengata!​—Pal. 4:10-12.

SIO ʻI HE VITIŌ ʻI HEʻEKU TAʻU HONGOFULU TUPÚ​—ʻE LAVA FĒFĒ KEU TALANOA KI HEʻEKU ONGO MĀTUʻÁ? PEA TALI LEVA ʻA E NGAAHI FEHUʻI KO ENÍ:

• Ko e hā naʻe ʻiloʻi hifo ʻe Esther mo Partik?

• Ko e hā ʻe lava ke ke ako mei he faʻifaʻitakiʻanga ʻa Sīsuú?

• ʻI he founga fē kuo fakahaaʻi atu ai ʻe hoʻo ongo mātuʻá ʻena tokanga kiate koé?

• Ko e hā ʻa e ngaahi tefitoʻi moʻoni Fakatohitapu ʻoku lava ke ne tokoniʻi koe ke ke talanoa ki hoʻo ongo mātuʻá?