Fepueli 19-25
SAAME 8-10
Hiva 2 mo e Lotu | Lea Kamata (1 min.)
1. “Te U Fakahīkihikiʻi Koe, ʻe Sihova”!
(10 min.)
ʻOku mahulu atu ʻa e lelei ʻa Sihova kiate kitautolú (Saame 8:3-6; w21.08 3 ¶6)
ʻOku tau fiefia ke fakahīkihikiʻi ʻa Sihova ʻaki hono tala ki he niʻihi kehé ʻa ʻene ngaahi ngāue fakaofó (Saame 9:1; w20.05 23 ¶10)
ʻOku tau toe fakahīkihikiʻi ia ʻi he taimi ʻoku tau hiva loto-kakato ai kiate iá (Saame 9:2; w22.04 7 ¶13)
ʻEKE HIFO, ‘Ko e hā ha toe founga ʻe lava ke u fakahīkihikiʻi ai ʻa Sihová?’
2. Makakoloa Fakalaumālie
(10 min.)
3. Lau Tohi Tapu
(4 min.) Saame 10:1-18 (th ako 11)
4. Kamataʻi ha Fetalanoaʻaki
(3 min.) FALE KI HE FALE. ʻOku tala atu ʻe he tokotaha-ʻapí ʻoku ʻikai ke ne tui ki he ʻOtuá. (lmd lēsoni 5 poini 4)
5. Toe Foki
(4 min.) FOUNGA ʻIKAI ANGA-MAHENI. ʻI he fetalanoaʻaki fakamuimuí, naʻe tala atu ʻe he tokotahá ʻoku ʻikai ke ne tui ki he ʻOtuá, ka ʻokú ne loto-lelei ke sivisiviʻi ʻa e fakamoʻoni fekauʻaki mo e ʻi ai ʻa e Tokotaha-Fakatupú. (th ako 7)
6. Malanga
(5 min.) w21.06 6-7 ¶15-18—Kaveingá: Tokoniʻi Hoʻo Kau Ako Tohi Tapú Ke Nau Fakahīkihikiʻi ʻa Sihova. (th ako 10)
Hiva 10
7. Founga Fakanatula ke Faifakamoʻoni ʻi he Founga ʻIkai Anga-Mahení
(10 min.) Fetalanoaʻaki.
Ko e founga ʻe taha ke fakalahi ai ʻetau fakahīkihikiʻi ʻa Sihová ko e faifakamoʻoni ki he faʻahinga ʻoku tau fetaulaki mo ia ʻi he lolotonga ʻetau ngaahi ngāue fakaʻahó. (Saame 35:28) ʻI he kamatá, te tau ongoʻi manavasiʻi nai ʻi hono fai ha fakamoʻoni ʻi he founga ʻikai anga-mahení. Kae kehe, ʻi heʻetau ako ki he founga ke kamataʻi pea hokohoko atu ʻa e fetalanoaʻakí ʻi ha founga fakanatulá, te tau hoko ai ʻo pōtoʻi ange naʻa mo ʻetau saiʻia ʻi hono fai iá!
Huluʻi e VITIŌ Mateuteu ke Vahevahe Atu “ʻa e Ongoongo Lelei ʻo e Melino”—Tamuʻomuʻa. ʻEke leva ki he kau fanongó:
Ko e hā naʻá ke ako mei he vitioó, ʻa ia ʻe lava ke ne tokoniʻi koe ke hoko ʻo ola lelei ange ʻi he fai ha fakamoʻoni ʻi he founga ʻikai anga-mahení?
Ko e niʻihi eni ʻo e ngaahi fokotuʻu ʻe lava ke ne tokoniʻi koe ke kamata ʻakí:
-
Tokanga ki he ngaahi faingamālie ke kamataʻi ha fetalanoaʻaki ʻi he taimi kotoa pē ʻokú ke mavahe ai mei ʻapí. Lotu fekauʻaki mo ia pea kole kia Sihova ke ne tataki koe ki he kakai loto-totonú
-
Anga-fakakaumeʻa pea fakahāhā ʻa e mahuʻingaʻia fakafoʻituitui ʻi he kakai ʻokú ke fetaulaki mo iá. Feinga ke ʻiloʻi ha meʻa fekauʻaki mo e tokotahá, ʻa ia ʻe lava ke ne tokoniʻi koe ke ʻiloʻi ko e hā ʻa e moʻoni Fakatohitapu ʻe fakamānako nai kiate iá
-
Kapau ʻe malava, kumi ki ha faingamālie ke ʻoange hoʻo fakamatala fetuʻutakí peá ke maʻu ʻene fakamatala fetuʻutakí
-
ʻOua ʻe loto-mamahi kapau ʻe ngata ʻa e fetalanoaʻakí ʻoku teʻeki ke ke fai ha fakamoʻoni
-
Hili ʻa e fetalanoaʻakí fakakaukau fekauʻaki mo e tokotahá. Hokohoko atu ʻa e fakahāhā ʻa e mahuʻingaʻia fakafoʻituitui ʻaki hono ʻoatu ha link ki ha veesi Tohi Tapu pe ki ha kupu ʻi he jw.org
ʻAhiʻahiʻi eni: Kapau ʻe ʻeke atu ʻe ha taha, ‘Ko e hā hoʻo ngāue naʻe fai ʻi he fakaʻosinga uiké?,’ tala ange kiate ia ha meʻa naʻá ke ako mei he fakatahá pe ko e ngāue ʻokú ke fai ko ha faiako ako Tohi Tapu.
8. Fiemaʻu Fakalotofonua
(5 min.)
9. Ako Tohi Tapu ʻa e Fakatahaʻangá
(30 min.) lff lēsoni 39 mo e fakamatala ʻi he ngataʻanga 3
